قايتارىلاتىن سوما – 1 ملن 50 مىڭ تەڭگە.
ورتالىق سايلاۋ كوميسسياسىنىڭ مۇشەسى ءسابيلا مۇستافينا ايتۋىنشا، ءبىرمانداتتى وكرۋگتەر بويىنشا سايلاۋعا تۇسكەن 104 ۇمىتكەرگە سايلاۋ جارناسى قايتارىلادى، دەپ حابارلايدى Almaty-akshamy.kz
ءبىر مانداتتى وكرۋگتەر بويىنشا ءماجىلىس سايلاۋىنا قاتىسقان 370 كانديداتتىڭ 104-ىنە سايلاۋ جارناسى قايتارىلادى. قالعان 266 ۇمىتكەر 5%-دان از داۋىس جينادى. سايلاۋ جارناسى 2 پارتياعا دا قايتارىلادى: جالپىۇلتتىق سوسيال-دەموكراتيالىق پارتياسى مەن Respublica پارتياسى. ال «بايتاق» جاسىلدار پارتياسى مەجەلى داۋىستى جيناي المادى.
قالعان پارتيالار كونستيتۋسيالىق زاڭنىڭ 88-بابىنا سايكەس، سايلاۋ جارناسىن ەنگىزبەدى. ويتكەنى ولار بۇرىن ءماجىلىس سايلاۋىنا قاتىسقان جانە 5 نەمەسە ودان دا كوپ پايىز داۋىس جيناعان. سوندىقتان ولار سايلاۋ جارناسىن تولەمەيدى»، - دەدى ءسابيلا مۇستافينا.