قازاقستاندىقتاردىڭ اراسىندا جاڭا چەللەندج جالعاسىپ جاتىر
«100 شاقىرىم+» جارىسىنا قاتىسىپ، ب ا ق سىناعىسى كەلەتىندەر كوبەيدى. باستىسى، وسى ارالىقتى 2 ايدا ەڭسەرۋى ءتيىس. سوسىن سىيلىق ۇتىسىنا قاتىسا الادى، دەپ حابارلايدى Almaty-akshamy.kz 24.kz-كە سىلتەمە جاساپ.
«100 شاقىرىم» چەللەندجىنە قاتىسۋشىلارىنىڭ ءبىرى – ەلوردالىق الماس اناربەكوۆ. ول نۇر-سۇلتانداعى پەدوگوگيكالىق كوللەدجدىڭ وقىتۋشىسى. ينفورماتيكا پانىنەن ءدارىس بەرەدى. بوس ۋاقىتىن جۇگىرۋگە ارنايدى. سالاۋاتتى ءومىر سالتىن ۇستانىپ، ءتۇرلى دارەجەدەگى سپورتتىق جارىس، مارافوندارعا قاتىسىپ تۇرادى. تاياۋدا استانا مارافونىندا ب ا ق سىناپ، 10 شاقىرىم قاشىقتىقتى 51 مينۋتتا ەڭسەردى.
«جۇگىرۋ ۇناعان سوڭ، حوببيىمە اينالعان سوڭ، الەۋمەتتىك جەلىدەن جارناما كورىپ قالدىم. سول ارقىلى چەللەندج تۋرالى ءبىلدىم. ءقازىر 30 كم جۇگىردىم»، - دەيدى قالا تۇرعىنى الماس اناربەكوۆ.
الماس كەلەشەكتە كاسىبي مارافونشى بولعىسى كەلەدى. 22 جاستاعى جىگىت جۇگىرۋدىڭ قوعامدا قالىپتى ءومىر سالتىنا اينالعانىن قالايدى. دوستارى مەن شاكىرتتەرىن دە وسىعان ۇندەيدى. ول«جۇگىر.كز» سايتىنا 500ء-شى بولىپ تىركەلگەن. چەللەندجگە 100 شاقىرىمدى باعىندىرام دەۋشى كەز كەلگەن ادام قاتىسا الادى.
«ەگەر مۇمكىندىك بولسا، كۇنىنە 3-4 كم جۇگىرگەن دۇرىس. دەنساۋلىققا جاقسى. جۇگىرۋ ادامعا الداعى كۇنگە دەگەن قۇلشىنىس پەن ەنەرگيا بەرەدى»، - دەيدى الماس اناربەكوۆ.
چەللەندج قاراشانىڭ سوڭىنا دەيىن جالعاسادى. جەلتوقساندا جەڭىمپازدار انىقتالادى. ماقساتقا جەتكەندەر 1،5 ملن تەڭگە نەمەسە وزگە دە باعالى سىيلىقتاردى ۇتىپ الا الادى.