Almaty-akshamy.kz سايتىندا بۇگىن جارىق كورگەن جاڭالىقتار – كۇن كەرۋەنى
ءساۋىر دە ءتاۋىر بولماي تۇر...
«قازگيدرومەت» رمك سينوپتيكتەردىڭ مالىمەتىنشە، قازاقستان اۋماعىنىڭ وڭتۇستىك، وڭتۇستىك-شىعىس، شىعىس بولىگىنە ءالى دە وڭتۇستىك سيكلون اسەر ەتەدى جانە اتموسفەرالىق فرونتتاردىڭ وتۋىمەن نايزاعاي ويناپ، جاڭبىر جاۋادى. ۇلىتاۋ وبلىسىنىڭ شىعىسىندا تۇندە 2 گرادۋس اياز كۇتىلەدى. ماڭعىستاۋ وبلىسىنىڭ باسىم بولىگىندە، ورتالىعىندا، شىعىسىندا، باتىسىندا ءورت ءقاۋپى جوعارى بولۋى مۇمكىن.
قوي تەرىسىن جامىلعان قاسقىر
شىمكەنتتە قالا تۇرعىندارىنا كۇش قولدانۋ ارقىلى ۇلكەن كولەمدەگى قاراجاتتى اشىق تۇردە يەمدەنگەن ءۇش ەر ادام تۇتقىندالدى.
ق ر پد باسپا ءسوز قىزمەتىنىڭ حابارلاۋىنشا، كۇدىكتىلەر پوليسيا قىزمەتكەرلەرىنىڭ اتىن جامىلىپ، تۇراقتى تۇردە اقشا بوپسالاۋمەن اينالىسىپ، "قورعاۋعا" الامىز دەپ، اي سايىن تولەم تالاپ ەتكەن. كۇدىكتىلەردىڭ بىرىنەن پوليسيا قىزمەتكەرىنىڭ جالعان قىزمەتتىك كۋالىگى تاركىلەندى. ال ەكىنشى كۇدىكتى الاياقتىق ءۇشىن بۇرىن سوتتالعان بولىپ شىقتى. قاسكويلەر 10 جىلعا دەيىن باس بوستاندىعىنان ايىرىلۋى مۇمكىن.
تاعدىردىڭ تالكەگىنە تاستامايمىز!
تاسقىن سۋدان زارداپ شەككەندەرگە قاتىستى مەملەكەت باسشىسى قاسىم-جومارت توقايەۆ وسىلاي دەدى.
«ءبىز سىن ساعاتتا جۇرت بولىپ جۇمىلدىق. ۇكىمەت، مەملەكەتتىك ورگاندار، قۇزىرلى مەكەمەلەر جانە ەرىكتىلەر بىرلەسە جۇمىس ىستەدى. سونىڭ ارقاسىندا 119 مىڭنان استام ادام دەر كەزىندە ءقاۋىپسىز جەرگە كوشىرىلدى. ونىڭ 45 مىڭعا جۋىعى – بالالار. ەڭ باستىسى، ءبىز ادام ءومىرىن بارىنشا ساقتاپ قالدىق»، دەدى پرەزيدەنت قازاقستان حالقى اسسامبلەياسىنىڭ "بىرلىك. جاسامپازدىق. ورلەۋ" اتتى ءحححىىى سەسسياسىندا سويلەگەن سوزىندە.
«توي – توندىنىكى»
ىسىراپشىلدىققا جول بەرمەۋدى ماقسات تۇتقان قىرعىز ۇكىمەتىندەگىلەر ەندى تويعا بارماۋى مۇمكىن.
قىرعىزستان پرەزيدەنتى اكىمشىلىگىنىڭ القا ماجىلىسىندە مينيسترلەر كابينەتىنىڭ باسشىسى اقىلبەك جاپاروۆ ۇكىمەت مۇشەلەرىنە تويعا بارۋعا تىيىم سالدى.
"ەگەر ءسىز ءبىر جەردە ىسىراپ جاسالعانىن كورسەڭىزدەر، ول جەرگە بارماڭىز. تويدا جۇرمەڭىزدەر"، دەدى ا.جاپاروۆ.
ەلۋدەن اسىپ بارامىن...
بيىل «كۇمىس جاس» جوباسى اياسىندا ەلۋدەن اسقان 10 مىڭعا جۋىق ادام جۇمىسقا ورنالاستىرىلدى. وسى باعىتتا بارلىعى 19 060 ادامدى جۇمىسقا ورنالاستىرۋ جوسپارلانۋدا. بۇل جوباعا 50 جاستان اسقان جۇمىسسىز ادامدار زەينەتكەرلىك جاسقا تولعانعا دەيىن قاتىسا الادى. جوباعا قاتىسۋ ءۇشىن مانساپ ورتالىعىنا ءوتىنىش بەرۋ قاجەت.
«شينەل» كىمدىكى؟
تبيليسيدەن ارنايى شاقىرتىلعان رەجيسسەر نيكولوز ساباشۆيلي گوگولدىڭ «شينەل» پوۆەسىن الماتى مەملەكەتتىك قۋىرشاق تەاترىنىڭ تورىندە كورەرمەنگە قۋىرشاق بەينەسىمەن جاڭاشا فورماتتا تارتۋ ەتتى.
«بۇل ساپار مەنىڭ اسەم الماتىعا كەلگەن ءۇشىنشى تاجىريبەم. گرۋزيا قۋىرشاق تەاترلار بىرلەستىگى مەن الماتى مەملەكەتتىك قۋىرشاق تەاترى اراسىندا ىنتىماقتاستىق مەموراندۋمىنا قول قويىلدى. اراعا ءبىر جىل سالىپ، جولىم اسەم الماتىعا قايتا ءتۇسىپ وتىر. قوناقجاي دا دارحان پەيىلدى قۋىرشاق تەاترى مەنى وتە جىلى قابىلدادى. مەن قويىلىم ساحنالاۋعا كەلىسكەن ساتتەن دۇرىس تاڭداۋ جاساعانىما كۇماندانعان ەمەسپىن. ناتيجەسىن پاتشا كوڭىلدى كورەرمەن باعالاي جاتار»، دەدى گرۋزيا قۋىرشاق تەاترلار بىرلەستىگىنىڭ باسشىسى نيكولوز ساباشۆيلي.
10 مىڭ قادامعا سوزىلعان ماركەتينگ
بۇكىل الەمدە ءبىر كۇندە 10 مىڭ قادام ءجۇرۋ سانگە ءارى ادەتكە اينالىپ بارادى. ۇزاق ۋاقىت بويى ون مىڭ قادام ءجۇرۋ نورماسى سالاۋاتتى ءومىر سالتىن ۇستانۋدىڭ التىن ەرەجەسى سانالدى.
بۇل يدەيا جاپونيادا كەزدەيسوق پايدا بولعان. توكيوداعى ەڭ ءىرى كلينيكالاردىڭ ءبىرىنىڭ باسشىسى يۆاو وحيا ينجەنەر يۋري كاتومەن سويلەسىپ وتىرىپ، قازىرگى جاپوندىقتار قوزعالۋدى توقتاتتى دەپ شاعىمىن ايتادى. بۇل ونىڭ ايتۋىنشا، جۇرەك اۋرۋى مەن سەمىزدىككە شالدىعۋ جاعدايلارىنىڭ كوبەيۋىنە اكەلدى. وسى كەزدە وحياعا ءار جاپوندىقتى كۇنىنە ون مىڭ قادام جۇرۋگە ماجبۇرلەۋ ارقىلى ۇلتتىڭ دەنساۋلىعىن ساقتاۋعا بولادى دەگە وي كەلەدى. بۇل يدەيا ينجەنەرگە دە ۇنايدى جانە ول بىردەن جۇمىسقا كىرىسەدى. ەكى جىلدان كەيىن، 1965 جىلى كاتو Yamasa تokei Keiki نارىقتا جاڭا قۇرىلعىنى - الەمدەگى العاشقى پاتەنتتەلگەن جۇرگەن قادامدى ەسەپتەيتىن "شاگومەردى" ۇسىندى.
سەمەيگە نەگە ءورت ءۇيىر؟
توتەنشە جاعدايلار مينيسترلىگىنىڭ مالىمدەيىنشە، «سەمەي ورمانى» تاعى ورتەندى. بۇگىن"سەمەي ورمانى" مەملەكەتتىك تابيعي ورمان رەزەرۆاتى بورودۋليحا فيليالىنىڭ دميتريەۆ ورمان شارۋاشىلىعىنىڭ مەملەكەتتىك ينسپەكتورى ورمان ءورتىن انىقتاعان.
"ءورت ورنىنا 7 بىرلىك ءورت ءسوندىرۋ ماشيناسى مەن ورمان كۇزەتىنىڭ 11 ادامى شىقتى. ءورتتى ءسوندىرۋ جۇرگىزىلدى. بۇدان ءارى الگوريتمگە سايكەس ءورت تۋرالى حابارلاما اباي وبلىسىنىڭ تجد-نە بەرىلدى. ءورتتى سوندىرۋگە 36 ادام جانە 9 بىرلىك تەحنيكا جۇمىلدىرىلعان"، دەلىنگەن حابارلامادا.
39 پايىزدىق وتاندىق كينو
ۇلتتىق ستاتيستيكا بيۋروسىنىڭ مالىمەتىنشە، 2023 جىلى قازاقستاندا 387 فيلم تۇسىرىلگەن. بارلىق تۇسىرىلگەن ءفيلمنىڭ تەك 25 پايىزى تولىقمەتراجدى بولسا، قالعان 75 پايىزى قىسقامەتراجدى فيلمدەر. كينوعا بارۋشىلاردىڭ 39 پايىزى وتاندىق كينولاردى كورگەن. بۇل شامامەن 8،2 ميلليون ادامدى قۇرايدى.