2023 جىلى سپورت جانە دەنە شىنىقتىرۋمەن اينالىساتىن ەرەكشە قاجەتتىلىكتەرى بار ادامدار سانى 56 822ء-نى قۇرادى. بۇل تۋرالى بۇگىن ق ر تۋريزم جانە سپورت مينيسترلىگىنىڭ باسپا ءسوز قىزمەتى مالىمدەدى.
مينيسترلىك تاراتقان اقپاراتقا سايكەس، 10 كۇننەن كەيىن پاريجدە XVII جازعى پاراليمپيادا ويىندارى باستالادى. وسى جولى قازاقستان قۇراماسى رەكوردتىق جولداماعا يە بولدى.
«ءبىزدىڭ قۇراما سپورتتىڭ 9 تۇرىنەن (ءپاراجۇزۋ، پارا پاۋەرليفتينگ، پارا جەڭىل اتلەتيكا، پارا كانوەدە ەسۋ، پارا تاەكۆوندو، وتىرىپ ويناۋ ۆولەيبولى – ەرلەر، پارا اتۋ، پارا ۇستەل تەننيسى، پارا دزيۋدو) 33 ليسەنزيا يەلەندى. جالپى 44 سپورتشى پاريجگە بارادى. ايتا كەتۋ كەرەك، كانوەدە ەسۋ (ايەلدەر)، ۇستەل تەننيسى جانە وتىرىپ ويناۋ ۆولەيبولىنان العاش رەت ليسەنزيا جەڭىپ الدىق»، - دەلىنگەن حابارلامادا.
سونىمەن قاتار، استانادا 8-13 قىركۇيەك ارالىعىندا وسى جىلدىڭ ماڭىزدى وقيعالارىنىڭ ءبىرى – دۇنيەجۇزىلىك كوشپەندىلەر ويىندارى وتەدى. بۇل اۋقىمدى شاراعا 100-گە جۋىق مەملەكەتتىڭ دەلەگاسياسى قاتىسادى دەپ كۇتىلۋدە. 2500-دەن استام سپورتشى ءوزارا ب ا ق سىناسادى. قازىرگى ۋاقىتتا 89 ەل ءوز قاتىسۋىن رەسمي تۇردە راستادى. كوشپەندىلەر ويىندارىندا ۇلتتىق سپورتتىڭ 21 تۇرىنەن 97 مەدال جيىنتىعى ساراپقا سالىنادى.