ەلدىڭ باسىم بولىگىندە بۇگىن دە قاتتى ىستىق بولماق.
1 تامىز كۇنى اتموسفەرالىق فرونتالدى بولىكتەردىڭ وتۋىمەن ەلىمىزدىڭ باسىم بولىگىندە كۇن رايىنىڭ قۇبىلمالى سيپاتى ساقتالىپ، نايزاعاي ويناپ، جاڭبىر جاۋۋى ىقتيمال، دەپ حابارلايدى Almaty-akshamy.kz.
تەك باتىستا، وڭتۇستىك پەن سولتۇستىك-شىعىستا جاۋىن-شاشىن بولمايدى. بارلىق وڭىردە جەل تۇرادى. سولتۇستىكتە تۇندە جانە تاڭەرتەڭگىلىك ۋاقىتتا تۇمان كۇتىلەدى.
اتاپ ايتقاندا، كۇندىز الماتى، جامبىل، تۇركىستان، قىزىلوردا، اقمولا، اتىراۋ وبلىستارىندا، سونداي-اق جەتىسۋ، ۇلىتاۋ، اباي وبلىستارىندا قوستاناي، اقتوبە، قاراعاندى، شىعىس قازاقستان، ماڭعىستاۋ وبلىستارىنىڭ وڭتۇستىگىندە 35-40°س قاتتى ىستىق بولادى.
سولتۇستىك قازاقستان وبلىسىندا، باتىس قازاقستان وبلىسىنىڭ باتىسىندا، سولتۇستىك-باتىسى مەن ورتالىعىندا ءورت تۇتانۋدىڭ جوعارى ءقاۋپى كۇتىلەدى.
ماڭعىستاۋ، تۇركىستان، الماتى، جامبىل، شىعىس قازاقستان، قاراعاندى، اقتوبە، قىزىلوردا، ۇلىتاۋ، جەتىسۋ، اباي وبلىستارىندا، قوستاناي وبلىسىنىڭ وڭتۇستىگىندە، اتىراۋ وبلىسىنىڭ باتىسىندا، پاۆلودار وبلىسىنىڭ وڭتۇستىگى مەن شىعىسىندا، اقمولا وبلىسىنىڭ وڭتۇستىگى مەن باتىسىندا ءورت تۇتانۋ ءقاۋپى اسا جوعارى بولادى.