بۇل تۋرالى سەناتتا وتكەن پارلامەنتتىك تىڭداۋدا ۆيسە-پرەمەر ەرالى توعجانوۆ مالىمدەدى.
2022-2023 وقۋ جىلىندا بارلىق مەكتەپتە ەڭبەككە باۋلۋ ساباقتارى وقىتىلادى، دەپ حابارلايدى Almaty-akshamy.kz
مەكتەپكە قايتا ورالاتىن ءپان 1-سىنىپتان باستاپ وقىتىلادى دەگەن جوسپار بار.
«بالالاردى تاربيەلەۋ كەزىندە ەڭبەككە باۋلۋدىڭ ماڭىزى زور. ونى ءبارىمىز جاقسى بىلەمىز. سوندىقتان جاڭا وقۋ جىلىندا 1-سىنىپتان باستاپ «ەڭبەككە باۋلۋ» ءپانى قايتا ەنگىزىلەدى»، - دەدى توعجانوۆ.
ۆيسە-پرەمەردىڭ ايتۋىنشا، قازىرگى كەزدە رەسپۋبليكاداعى مەكتەپتەردىڭ 7 پروسەنتى ءوز اۋماعىندا جىلىجاي اشقان. ۇكىمەت وسى تاجىريبەنى كەڭەيتىپ، جىلىجايلاردى بارلىق مەكتەپتە اشۋدى جوسپارلاپ وتىر. سول جەردە وقۋشىلار جۇمىس ىستەيدى.
بۇدان بولەك، مەكتەپتەردە كاسىپتىك باعدار بەرەتىن ماماندار بولادى. ولار وقۋشىلارعا بولاشاق ماماندىقتى تاڭداۋعا كومەكتەسەدى.