ءبىرىنشى سىنىپقا وتىنىشتەردى قابىلداۋ 2022 جىلعى 1 تامىزعا دەيىن جالعاسادى.
ءبىلىم جانە عىلىم مينيسترلىگىنىڭ مالىمەتىنشە، 1-سىنىپقا قابىلداۋعا تۇسكەن 250 مىڭنان استام ءوتىنىشتىڭ ىشىندە بالالاردىڭ 70،5 %-ى مەملەكەتتىك تىلدە وقۋدى تاڭداعان، دەپ حابارلايدى Almaty-akshamy.kz
ازاماتتارعا ىڭعايلى بولۋ ءۇشىن قىزمەت اۆتوماتتاندىرىلدى. قۇجاتتاردى قابىلداۋ egov.kz پورتالى ارقىلى جۇرگىزىلىپ جاتىر. سونداي-اق اتا-انالاردىڭ ءوتىنىشى بويىنشا قۇجاتتاردى ءداستۇرلى قاعاز فورماتىندا دا تاپسىرۋعا بولادى.
«قۇجاتتاردى قابىلداۋ شتاتتىق رەجيمدە ءجۇرىپ جاتىر. وسى رەتتە قۇجاتتاردى تاپسىرۋدا اتا-انالاردىڭ بەلسەندىلىگىن بايقاۋعا بولادى. بيىل مەملەكەتتىك تىلدە ءبىلىم العىسى كەلەتىن 1-سىنىپ بالالارى كوبەيدى. قازاق تىلىندە وقيتىن سىنىپتارعا قابىلداۋدىڭ ەڭ جوعارى كورسەتكىشى ماڭعىستاۋ (91%)، قىزىلوردا (91،5%)، جامبىل (82،2%) جانە اتىراۋ (80،1%) وبلىستارىندا تىركەلدى»، - دەدى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا.
جاڭا وقۋ جىلىندا 1-سىنىپقا بارلىعى 400 مىڭنان استام بالا بارماق.