1 قىركۇيەكتەن باستاپ تاربيەشىلەردىڭ جالاقىسى 30%-عا وسەدى. بۇل تۋرالى ورتالىق كوممۋنيكسيالار قىزمەتى الاڭىندا وتكەن بريفينگتە وقۋ-اعارتۋ مينيسترلىگى مەكتەپكە دەيىنگى ءبىلىم دەپارتامەنتىنىڭ ديرەكتورى ناتاليا جۇمادىلدايەۆا مالىمدەدى، دەپ حابارلايدى Almaty-akshamy.kz.
دەپارتامەنت ديرەكتورىنىڭ سوزىنشە، سوڭعى ءتورت جىلدا تاربيەشىلەردىڭ ەڭبەكاقىسى كەزەڭ-كەزەڭىمەن 25%-عا ءوستى.
2023 جىلعى 1 قىركۇيەكتەن باستاپ مەكتەپكە دەيىنگى مەكەمەلەر پەداگوگتەرىنىڭ جالاقىسى تاعى 30%-عا كوتەرىلەدى. مۇنداي شارالار مەكتەپكە دەيىنگى مەكەمەلەرگە پەداگوگتەردى تارتۋعا سەپتىگىن تيگىزەدى. ويتكەنى، وزدەرىڭىز بىلەتىندەي، بۇگىنگى كۇنى كادر تاپشىلىعى بار، - دەدى ناتاليا جۇمادىلدايەۆا.
سونىمەن قاتار مەكتەپكە دەيىنگى ءبىلىم بەرۋ ۇيىمدارىنا كەزەككە تۇرۋدىڭ ءبىرىڭعاي بازاسىن ەنگىزۋ جۇزەگە اسىرىلادى.
بۇل قىزمەتتەردىڭ اشىقتىعىن قامتاماسىز ەتەدى، دەرەكتەردىڭ ءبىرىڭعاي ءتىزىلىمىن قالىپتاستىرادى جانە سىبايلاس جەمقورلىق تاۋەكەلدەرىن ازايتادى.