الماتى قالاسىنىڭ وكق بريفينگىندە 2023 جىلدىڭ 1 قاڭتارىنان باستاپ زەينەتاقى زاڭناماسىنا ەنگىزىلگەن وزگەرىستەر تۋرالى ايتىلدى.
الماتى قالاسىنىڭ ەڭبەك جانە الەۋمەتتىك قورعاۋ دەپارتامەنتىنىڭ باسشىسى اسقار ايماعامبەتوۆ وزگەرىستەر تۋرالى ايتىپ، وتكەن جىلدى قورىتىندىلادى، دەپ حابارلايدى Almaty-akshamy.kz.
"جالپىلاما العاندا، ەڭبەك جانە الەۋمەتتىك قورعاۋ دەپارتامەنتى مەملەكەتتىك قىزمەتتەردىڭ 14 ءتۇرىن كورسەتەدى، ونىڭ ىشىندە 13ء-ى - زەينەتاقى جانە الەۋمەتتىك تولەمدەردى تاعايىنداۋ بويىنشا.
2022 جىلى بارلىعى 114 مىڭنان استام مەملەكەتتىك قىزمەت كورسەتىلدى.
دەپارتامەنت مەملەكەتتىك بيۋدجەت قاراجاتى ەسەبىنەن 13 مەملەكەتتىك قىزمەت كورسەتەدى نەمەسە 35-تەن استام زەينەتاقى جانە الەۋمەتتىك تولەم تۇرلەرىن تاعايىندايدى.
الماتى قالاسى بويىنشا زەينەتاقى مەن جاردەماقى الۋشىلاردىڭ جالپى سانى - 360 مىڭ ادام، بۇل رەتتە ءبىر ادام ءبىر مەزگىلدە ءتۇرلى جاردەماقىلار مەن، ارينە، زەينەتاقىلاردى الۋشى بولا الاتىنىن ەسكەرۋ قاجەت. جالپى، بىزدە الماتى قالاسى بويىنشا جاسى بويىنشا 236 مىڭ زەينەتكەر جانە ءتۇرلى جاردەماقىلار مەن تولەمدەر الاتىن 120 مىڭنان استام ازامات بار.
2022 جىلى 114 مىڭ جاڭا تولەم تاعايىندالدى، ونىڭ ىشىندە زەينەتاقى مەن جاردەماقىلار بويىنشا 91694 مەملەكەتتىك قىزمەت كورسەتىلدى.
مىسالى، 10580 ازاماتقا جاسىنا بايلانىستى زەينەتاقى، 11893 ازاماتقا بازالىق زەينەتاقى تولەمى تاعايىندالدى، الماتىنىڭ 3924 تۇرعىنىنا مۇگەدەكتىگى بويىنشا جاردەماقى،18-جاسقا تولماعان مۇگەدەك بالالاردى تاربيەلەپ وتىرعان 1200 اتا-اناعا جاردەماقى، 38105 جاڭادان تۋىلعان بالاعا بەرىلەتىن بالا تۋىلۋىنا جانە ونىڭ ءبىر جاسقا دەيىن كۇتىمىنە ارنالعان جاردەماقىلار، 4666 وتباسىنا كوپ بالالى وتباسىلارعا جاردەماقى جانە تاعىدا باسقا مەملەكەتتىك جاردەماقىلار تاعايىندالدى، - دەدى سپيكەر.
اسقار ايماعامبەتوۆ ق ر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىمەن 2022 جىلعى 1 قىركۇيەكتەگى قازاقستان حالقىنا جولداۋىندا ق ر پرەزيدەنتى ۇسىنعان ءبىرقاتار الەۋمەتتىك شارالار كوزدەلگەنىن اتاپ ءوتتى.
شارالاردىڭ ءبىرى – ايەلدەردىڭ زەينەتكەرلىك جاسىن وسىرمەۋ، ياعني 2028 جىلعا دەيىن 61 جاس دەپ بەلگىلەۋ.
وسىلايشا، 2023 جىلدان 2028 جىلعا دەيىن ايەلدەردىڭ زەينەتكەرلىك جاسى وزگەرمەيدى جانە 61 جاستى قۇرايدى.
سونىمەن بىرگە، ءارتۇرلى الەۋمەتتىك تولەمدەردى ەسەپتەۋ كەزىندە پايدالانىلاتىن بازالىق كورسەتكىشتەر «2023-2025 جىلدارعا ارنالعان رەسپۋبليكالىق بيۋدجەت تۋرالى» زاڭمەن بەكىتىلدى. 2023 جىلعى 1 قاڭتاردان باستاپ مىناداي كورسەتكىشتەر بەلگىلەندى:
– ايلىق ەسەپتىك كورسەتكىش (اەك) 3450 تەڭگەنى قۇرايدى؛
– ەڭ تومەنگى زەينەتاقى – 53 076 تەڭگە؛
– بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيى (كد) – 40 567 تەڭگە؛
– ەڭ تومەنگى جالاقى مولشەرى – 70 000 تەڭگە.
2023 جىلى جاڭادان تاعايىندالاتىن زەينەتاقى مولشەرىن ەسەپتەۋ ءۇشىن ەسكەرىلەتىن ەڭ جوعارى تابىس 55 ەسەلەنگەن اەك-تەن (189 750 تەڭگە) اسپايتىنىن اتاپ وتكەن ءجون.
بيىلدان باستاپ، تيىسىنشە، جوعارىدا اتالعان كورسەتكىشتەرمەن بايلانىستى الەۋمەتتىك تولەمدەر مەن مەملەكەتتىك جاردەماقىلار ءوستى.
جاسى مەن ەڭبەك سىڭىرگەن جىلدارى بويىنشا زەينەتاقى تولەمدەرى 10،5 پايىزعا ءوستى. جاسىنا بايلانىستى زەينەتاقى تولەمدەرىنىڭ مولشەرىن ەسەپتەۋ ءۇشىن ەسكەرىلەتىن ەڭ جوعارى تابىستىڭ ۇلعايۋىنا بايلانىستى، ەگەر ولاردىڭ ورتاشا ايلىق تابىسى جاسىنا بايلانىستى زەينەتاقى تولەمدەرىنىڭ مولشەرى 46 ەسەلەنگەن اەك ەسەپتەۋ كەزىندە شەكتەلگەن بولسا، 2023 جىلعى 1 قاڭتارعا دەيىن شىققان زەينەتكەرلەردىڭ زەينەتاقى مولشەرى ۇلعايتىلادى. بۇل رەتتە 55 اەك شەگىندەگى كىرىستى نەگىزگە الا وتىرىپ ەسەپتەلگەن جاسىنا بايلانىستى زەينەتاقى تولەمدەرىنىڭ مولشەرى الىناتىن مولشەردەن 10،5%-عا جوعارى بولۋى مۇمكىن ەمەس.
ورتا تابىسى 46 اەك-تەن اسپاعان نەمەسە زەينەتاقىسى بۇرىنعى قولدانىستا بولعان زەينەتاقى زاڭناماسى ەسكەرىلە وتىرىپ، بۇرىننان تاعايىندالعان بارلىق زەينەتكەرلەر ءۇشىن زەينەتاقى تولەمدەرىنىڭ مولشەرى 10،5 پايىزعا ءوستى.
جاسىنا بايلانىستى زەينەتاقى تولەمدەرىنە قوسىمشا مەملەكەتتىك بازالىق زەينەتاقى تولەمى تولەنەدى، ونىڭ مولشەرى زەينەتاقى جۇيەسىنە قاتىسۋ وتىلىنە بايلانىستى بولادى. زەينەتاقى جۇيەسىنە قاتىسۋ وتىلىنە 1998 جىلعى 1 قاڭتارعا دەيىن ازىرلەنگەن جۇمىس وتىلىنە جيناقتاۋشى زەينەتاقى جۇيەسىنە قاتىسۋ ءوتىلى قوسىلادى، ول جيناقتاۋشى زەينەتاقى قورلارىنا نەمەسە ءبىرىڭعاي جيناقتاۋشى زەينەتاقى قورىنا مىندەتتى زەينەتاقى جارنالارىن اۋدارۋ كەزەڭدىلىگى بويىنشا ايقىندالادى.
2023 جىلدىڭ قاڭتارىنان باستاپ مەملەكەتتىك بازالىق زەينەتاقى مولشەرىن ەسەپتەۋ ءتارتىبى ءبىرشاما وزگەردى. ەگەر بۇرىن 0-دەن 10 جىلعا دەيىنگى ەڭبەك ءوتىلى بولعان جاعدايدا ونىڭ مولشەرى ەڭ تومەنگى كۇنكورىس دەڭگەيىنىڭ (كد) 54 پايىزىن قۇراسا، وندا بيىلعى 1 قاڭتاردان باستاپ بۇل پايىز 60-قا دەيىن كوتەرىلدى. 10 جىلدان اساتىن ءاربىر تولىق جىل ءۇشىن مەملەكەتتىك بازالىق زەينەتاقى تولەمىنىڭ مولشەرى ەكى پايىزعا ارتادى، ءبىراق جالپى العاندا 100 پايىزدان اسپايدى.
ماسەلەن، جيىنتىق جالپى ءوتىلى 25 جىل بولعان جاعدايدا مەملەكەتتىك بازالىق زەينەتاقىنىڭ مولشەرى 2023 جىلعى قاڭتاردان باستاپ كد مولشەرىنىڭ 90%-ىن قۇرايدى (بۇرىن قولدانىستا بولعان نورمالار بويىنشا 84% ەدى).
ال 30 جىل جانە ودان جوعارى بولعان جاعدايدا مەملەكەتتىك بازالىق زەينەتاقى تولەمىنىڭ مولشەرى 2023 جىلعى قاڭتاردان باستاپ ەڭ تومەنگى كۇنكورىس دەڭگەيىنىڭ 100 پايىزى مولشەرىندە ەسەپتەلەتىن بولادى.