بۇل شارالار كۇننىڭ ىستىعىندا جول جامىلعىسىن ساقتاۋعا جانە ءقاۋىپسىز قوزعالىستى قامتاماسىز ەتۋگە باعىتتالعان، دەپ حابارلايدى aqshamnews.kz
«قازاۆتوجول» ۇلتتىق كومپانياسى جاز مەزگىلىندە رەسپۋبليكالىق ماڭىزى بار اۆتوجولداردا اۋىر جۇك كولىكتەرىنىڭ قوزعالىسىنا ۋاقىتشا شەكتەۋلەر ەنگىزىلەتىنىن حابارلايدى.
شەكتەۋ مەرزىمى:
- ەلىمىزدىڭ وڭتۇستىك جانە باتىس وڭىرلەرىندە 1 ماۋسىمنان 31 تامىزعا دەيىن؛
- سولتۇستىك جانە شىعىس وڭىرلەرىندە 1 ماۋسىمنان 15 تامىزعا دەيىن.
شەكتەۋلەر +25°C جوعارى اۋا تەمپەراتۋراسى كەزىندە، كۇندىزگى ۋاقىتتا ەنگىزىلەدى.
1 ماۋسىمنان 31 تامىزعا دەيىن ساعات 10:00-22:00 ارالىعىندا كەلەسى ايماقتاردا قوزعالىسقا شەكتەۋ قويىلادى:
- الماتى وبلىسى؛
- اتىراۋ وبلىسى؛
- جامبىل وبلىسى؛
- جەتىسۋ وبلىسى؛
- ۇلىتاۋ وبلىسى؛
- قاراعاندى وبلىسى؛
- قىزىلوردا وبلىسى؛
- تۇركىستان وبلىسى؛
- ماڭعىستاۋ وبلىسى.
1 ماۋسىمنان 15 تامىزعا دەيىن ساعات 11:00-21:00 ارالىعىندا كەلەسى ايماقتاردا قوزعالىسقا شەكتەۋ قويىلادى:
- اباي وبلىسى؛
- اقمولا وبلىسى؛
- اقتوبە وبلىسى؛
- شىعىس قازاقستان وبلىسى؛
- باتىس قازاقستان وبلىسى؛
- قاراعاندى وبلىسى؛
- قوستاناي وبلىسى؛
- پاۆلودار وبلىسى؛
- سولتۇستىك قازاقستان وبلىسى.
شەكتەۋلەر جول جامىلعىسىن قورعاۋ ماقساتىندا ەنگىزىلەدى.
جوعارى تەمپەراتۋرادا اسفالت جامىلعىسى جۇمسارىپ، اۋىر جۇكتەمەگە توتەپ بەرە المايدى. بۇل جول جابىنىنىڭ بۇزىلۋىنا، ويىقتار مەن اقاۋلاردىڭ پايدا بولۋىنا الىپ كەلەدى.
جازعى شەكتەۋلەردى ساقتاۋ:
- جولداردىڭ قىزمەت ەتۋ مەرزىمىن ۇزارتادى؛
- جوندەۋ شىعىندارىن ازايتادى؛
- جول قوزعالىسى قاۋىپسىزدىگىن قامتاماسىز ەتەدى.
«قازاۆتوجول» ۇلتتىق كومپانياسى جۇك تاسىمالداۋشىلاردى بەلگىلەنگەن ءتارتىپتى ساقتاۋعا جانە مارشرۋتتارىن شەكتەۋ رەجيمىن ەسكەرە وتىرىپ جوسپارلاۋعا شاقىرادى.