ولار مۇمكىندىگى شەكتەۋلى جاندارعا ارنالعان ورىنداردى زاڭسىز ساتقان جانە پويىزدا تەمەكى شەككەن، دەپ حابارلايدى aqshamnews.kz كومپانيانىڭ باسپا ءسوز قىزمەتىنە سىلتەمە جاساپ.
"قازاقستان تەمىر جولى" كومپانياسى الماتى-2 ۆوكزالىندا جۇرگىزىلگەن ىشكى تەكسەرۋ ناتيجەسىندە ەكى جولسەرىكتى قىزمەتىنەن بوساتتى.
رەسمي مالىمەتكە سايكەس، تەمىرجول سالاسىندا زاڭ بۇزۋشىلىقتاردىڭ الدىن الۋ ماقساتىندا ب ا ق پەن قوعام وكىلدەرىنىڭ قاتىسۋىمەن تۇراقتى تۇردە باقىلاۋ جانە ىشكى تەرگەۋ جۇمىستارى جۇرگىزىلۋدە.
"الماتى-2 ۆوكزالىنداعى تەكسەرۋ بارىسىندا مۇمكىندىگى شەكتەۋلى جاندارعا ارنالعان ورىنداردىڭ زاڭسىز ساتىلعانى جانە پويىز تامبۋرىندا تەمەكى شەگۋ دەرەكتەرى انىقتالدى. تەرگەۋ قورىتىندىسى بويىنشا ەكى جولسەرىك جۇمىستان شىعارىلىپ، پويىز باسشىسىنا قاتاڭ سوگىس جاريالاندى"، - دەلىنگەن كومپانيا تاراتقان رەسمي حابارلامادا.
كومپانيا وكىلدەرىنىڭ ايتۋىنشا، مۇنداي تەكسەرۋلەر "قتج"-عا تيەسىلى بارلىق باعىتتار بويىنشا جۇيەلى تۇردە جالعاساتىن بولادى.