جامبىل وبلىسى سارىسۋ اۋدانىنىڭ قاراتاس اۋىلىنداعى تۇرعىن ءۇيدىڭ اۋلاسىنان ءورت شىعىپ، 1 جىلقى، 47 قوي ورتەنىپ كەتتى، دەپ حابارلايدى اlmaty-akshamy.kz.
«101» قىزمەتىنە مال قورانىڭ ورتكە ورانعانى تۋرالى حابارلاما 25 ناۋرىز كۇنى 21 ساعات 43 مينۋتتا كەلىپ تۇسكەن. وقيعا ورنىنا جاڭاتاس قالاسىنىڭ №16 ءورت ءسوندىرۋ ءبولىمىنىڭ 1 بولىمشەسى، ەرىكتى ءورت قۇرالىمىنان 7 ادام، 1 نيۆا اۆتوكولىگى، جەرگىلىكتى اتقارۋشى ورگاننان تىركەمەسى بار 1 متز-80 تراكتورى شىققان. اۋماعى 220 شارشى مەتردى شارپىعان ءورت 22 ساعات 36 مينۋتتا اۋىزدىقتالىپ، 22 ساعات 56 مينۋتتا تولىعىمەن وشىرىلگەن.
«مال قورا اۋلاسىندا بارلىعى 228 باس ۇساق مال (قوي) بولعاندىعى انىقتالدى. 1 جىلقى مەن 47 باس قوي قورا ىشىندە ورتەنىپ كەتتى. اۋىل تۇرعىندارى مەن جەرگىلىكتى اتقارۋشى ورگاندار وكىلدەرى جانە ءورت سوندىرۋشىلەردىڭ جەدەل قيمىلىنىڭ ارقاسىندا قورا ماڭىنداعى مالدار ءقاۋىپسىز جەرگە ايداپ شىعارىلدى. وسىلايشا 180 باس مال قۇتقارىلدى. ءورت ەلەكتر سىمدارىنىڭ قىسقا تۇيىقتالۋىنان ورىن العان. اتالعان ءورت سالدارىنان زارداپ شەككەندەر مەن قازا تاپقاندار تىركەلگەن جوق»، – دەلىنگەن وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان اقپاراتتا.