Bıyl kınofestıval 21 qazan men 3 qarasha aralyǵynda ótedi.
Rejıser Dáýren Qamshybaevtyń «Zere» debúttik tolyq metrli kórkem fılmi San-Paýlýdaǵy 45-shi halyqaralyq kınofestıvalde kórsetiledi, dep habarlaıdy Almaty-akshamy.kz «Qazaqfılmge» silteme jasap.
⠀
São Paulo International Film Festival - jyl saıyn debútanttar arasynda ótetin kınofestıval. Halyqaralyq deńgeıde bul festıváldi Mostra dep te ataıdy. Bıyl kınofestıval 21 qazan men 3 qarasha aralyǵynda ótedi. Al ashylý saltanaty 20 qazanda bolady.
⠀
Festıvál úsh seksıadan turady: halyqaralyq perspektıva, arnaıy prezentasıa jáne debútanttar baıqaýy. «Zere» fılmi debútanttar baıqaýynda baq synaıdy.
⠀
Aıta keteıik, «Zere» fılminiń basty rólderinde Berik Aıtjanov, Murat Bısembın, Olga Landına, Adına Bajan, Eljas Rahym jáne Sanurjan Súleımenov syndy akterler oınaıdy. Túsirilim byltyr Jambyl oblysy Balqash kóliniń mańynda Taısoıǵan degen jerde túsirilgen. Týyndy Qara Production @qaraproduction jáne Libertus Film @libertus.film ónimi.