Konstıtýsıalyq reforma jónindegi komıssıanyń úshinshi otyrysynda Magerram Magerramov Qazaqstan Halyq partıasynyń Prezıdent Qasym-Jomart Toqaevtyń usynystaryn talqylaýǵa belsendi qatysyp jatqanyn jáne Ata zańǵa ózgerister engizý tarıhı mańyzdy proses dep sanaıtynyn atap ótti.
Ol eldi jańartýdyń negizgi elementteriniń biri – proporsıonaldy negizde qurylatyn bir palataly parlament qurý jónindegi usynys ekenin aıtty. Partıanyń pikirinshe, bul usynys saıası dıskýssıany jandandyryp, partıalardyń memlekettik saıasatqa áserin kúsheıtýge múmkindik beredi.
«Bir palataly parlamentte proporsıonaldy saılaý júıesi – bul, sózsiz, saıası partıalardy nyǵaıtý, olardyń memlekettik saıasatqa yqpalyn arttyrý. Kóppartıalyq ókildik – ókildik demokratıanyń kórsetkishi jáne saıası júıeniń turaqtylyǵynyń negizi», — dedi Magerramov.
Ol sondaı-aq jańa parlamenttik júıe zań shyǵarýshy organnyń yqpalyn kúsheıtetinin jáne saıası júıeniń turaqtylyǵyn qamtamasyz etetinin, al «Zań men Tártip» qaǵıdatyn Konstıtýsıada bekitý azamattardyń quqyqtary men mindetteriniń teńgerimdi úılesimin qalyptastyratynyn atap ótti.
«Zań tártipsiz kúshin joǵaltady, al zańsyz tártip ozbyrlyqqa aınalady. Sondyqtan «Zań men Tártip» – ádiletti qoǵamnyń ajyramas quramdas bólikteri jáne azamattardyń qaýipsizdigi men erkindiginiń kepili», — dep qosty ol.
Sóziniń sońynda Magerramov Konstıtýsıaǵa engiziletin usynylǵan ózgerister tıimdi parlament qurýǵa múmkindik beretinin jáne qoǵamdyq damýdyń negizgi faktory bolatynyna senim bildirdi.