Parlament Májílísíníń deputaty Aıdos Sarym Konstıtutsıyalyq reforma ayasynda ūsynylǵan túzetulerge qatysty óz ūstanymyn bíldírdí. Búgín Astanada ótíp jatqan Konstıtutsıyalyq reforma jóníndegí komıssıyanyń úshínshí otyrysynda Komıssıya múshesí óz ūstanymy men uájín jetkízdí.
Aıdos Sarym jańa Parlament – Qūryltaıdyń qyzmetíne qatysty 50, 51 jáne 53-baptarǵa erekshe nazar audardy.
Sondaı-aq ol barlyq ūsynystar Memleket basshysynyń Qyzylorda qalasynda ótken Ūlttyq Qūryltaıdyń V otyrysynda bergen tapsyrmalaryn eskere otyryp ázírlengenín atap óttí.
«Ūsynylyp otyrǵandaı, bolashaq Qūryltaı proportsıonaldy ókíldík júıesí boıynsha saılanatyn 145 deputattan tūrady. Qūryltaı deputattarynyń ókílettík merzímín qazírgí Májílíspen bírdeı – bes jyl deńgeıínde saqtau ūsynylyp otyr. Būl ózgerís tolyq qoldau tabady. Sonymen qatar, Qūryltaı deputattyǵyna kandıdattarǵa qoıylatyn qosymsha talaptar arnaıy Konstıtutsıyalyq zańdarda kózdeluí múmkín», – dedí Aıdos Sarym.
Onyń aıtuynsha, bolashaq Qūryltaıdyń jūmysyna qatysty eń mazmūndy árí tūjyrymdamalyq ózgeríster 53-bapta qamtylǵan. Būl ózgeríster elímízdegí memlekettík basqaru qūrylymy men júıesín eleulí túrde ózgertíp, tūraqtandyruǵa, bılík tarmaqtary arasyndaǵy qajettí tepe-teńdíktí qamtamasyz etuge, sondaı-aq ókíldí, atqarushy jáne sot bılígí arasyndaǵy tejemelík árí tepe-teńdík qaǵıdattaryn júzege asyruǵa baǵyttalǵan.
«Qazaqstan Respublıkasynyń qoldanystaǵy Konstıtutsıyasynda Parlament palatalarynyń funktsıyalaryn naqty sıpattaıtyn 53-bap 13 tarmaqtan tūrǵan bolatyn. Al salystyrmaly kestede ūsynylǵan jańa redaktsıyada, 23 tarmaq bar ekeníne nazarlaryńyzdy audarǵym keledí. Yaǵnı, ókílettíkter kólemí bír jarym eseden astam artady. Būl jańa ókílettíkterdíń barlyǵy jalpyūlttyq referendumda maqūldanǵan jaǵdaıda tıístí Konstıtutsıyalyq zańdar ayasynda naqtylanyp, júzege asyrylatyn bolady. Atalǵan ózgeríster túrlí qoǵamdyq alańdarda bírneshe ret aıtylyp, jūmys tobynyń otyrystarynda jan-jaqty talqylandy jáne Qyzylorda qalasynda ótken Ūlttyq Qūryltaıda Memleket basshysynyń tarapynan tūjyrymdamalyq tūrǵyda qoldau tapty. Sondyqtan būl tūjyrymdamalyq ózgerísterdí bíz qoldaımyz», – dep málímdedí Aıdos Sarym.