“Mektep avtobýsy” jobasy aıasynda megapolıs oqýshylary sabaqqa jergilikti atqarýshy organdardyń esebinen yńǵaıly kólik quraldarymen qatynaıdy. Arnaıy baspasóz týryn Almaty ákimdiginiń baspasóz qyzmeti men Óńirlik komýnıkasıalar qyzmeti uıymdastyrdy. Jýrnalıser men blogerler mektep avtobýstaryn ishinen kóre aldy.
Amerıkalyq fılmderden kórip júrgen mektep oqýshylaryn tasıtyn sary avtobýstardy endi Almatydan da kórýge bolady.
Megapolıs mektepteri kún saıyn segiz myńnan astam oqýshyny tasymaldaıtyn 100 jańa avtobýs aldy. Onymen negizinen bastaýysh synyp oqýshylary, sondaı-aq, shalǵaı aýdandarda turatyn oqýshylar qatynaıdy.
Ákimniń orynbasary Ásem Núsipovanyń aıtýynsha, “Mektep avtobýsy” jobasynyń ekinshi kezeńi júzege asyrylady. 2024 jyly qala mektepteri úshin qosymsha 50 avtobýs satyp alý josparlanýda.
“Jobany odan ári keńeıtýdiń arqasynda 12500 bala qamtylady. Bizdiń esebimizshe, 1-den 11-synypqa deıingi osynsha oqýshynyń mektepke baratyn joly qıyn jáne tasymaldaý qajettiligi bar”, - dep atap ótti ol.
Almaty qalasy bilim basqarmasynyń basshysy Lázzat Jylqybaevanyń aıtýynsha, jobaǵa 1,4 mlrd. teńge bólingen.
“1 qyrkúıekten bastap barlyq avtobýstar balalardy tıisti qaýipsizdik sharalaryn saqtaı otyryp, bekitilgen marshrýttar boıynsha tasymaldaıdy. "Mektep avtobýsy" jobasyn iske asyrý oqýshylardyń ata - analaryna kómektesýge, mektep jasyndaǵy balalardyń qaýipsizdigin arttyrýǵa jáne jol trafıgine júktemeni azaıtýǵa múmkindik beredi”, - dedi Lázzat Jylqybaeva.
Qala boıynsha júretin mektep avtobýstary oqýshylardy qaýipsiz tasymaldaýdy qamtamasyz etip qana qoımaı, ata-analardyń jumysyn jeńildetti.
Mysaly, №183 jalpy bilim beretin mektepte 76 oqýshyny tasymaldaıtyn eki avtobýs bar. Saǵat 12.30-da avtobýstar oqýshylardy úılerine aparý úshin kútip turdy.
“Avtobýstar yńǵaıly jáne qaýipsiz, ishi de ádemi. Endi biz mektepke keshigip qalamyz dep alańdamaımyz. Biz úıde úsh oqýshymyz, barlyǵy mektep avtobýsymen júredi. Buryn biz qoǵamdyq avtobýspen baratynbyz, keshigip qalatynbyz”, - deıdi 9 synyp oqýshysy Laýra Serikbolat.
“Men 9-synyp oqýshysymyn. Men mektepke jaıaý baratynmyn, bul avtobýstyń sońǵy aıaldamasy. Bul avtobýstardyń paıda bolǵanyna óte qýanyshtymyn. Men mektepke 10 mınýt, eń kóbi 15 mınýtta jetemin. Jaıaý men jarty saǵat boıy tómen qaraı júretinmin. Bul maǵan mektepke jetý úshin ýaqytty únemdeýge kómek boldy”, - dep bólisti oqýshy Ilkıbaev Ahror.
Bastaýysh synyp oqýshylary da jańa avtobýs týraly alǵan áserleri týraly aıtyp berdi. Olardyń aıtýynsha, qazir olar mektepke ońaı jetedi, jol aqysyn tóleýdiń qajeti joq jáne jaqyn aıaldamaǵa deıin birneshe shaqyrym júrýdiń qajeti joq.
“Men oıanyp, turyp dúkenge baramyn, sol jerde meni avtobýs kútip turady, sodan keıin mektepke baramyn. Avtobýsta kele jatyp, jolda ýaqytymyz da kóńildi ótedi”, - deıdi kishkentaı Músilim.
Ata-analar da jańa avtobýstardyń berilgenine dán rıza. Olar qazir balalardyń qaýipsizdigine kóp alańdamaıdy, óıtkeni avtobýstar jas jolaýshylardy úıdiń janyndaǵy aıaldamalardan áketip -ákeledi.
“Meniń eki balam osy jerde №200 mektep-gımnazıada oqıdy. Avtobýstar joq kezde balalardy ózim aparatynmyn, sol úshin jumystan suranatynmyn. Nemese áıelim qolyndaǵy kishkentaı balamen qoǵamdyq kólikpen aparatyn, bulaı júrý yńǵaısyz bolatyn. Endi avtobýs tikeleı úıdińtúbinen alyp ketedi, balalar tipti joldy kesip ótpeıdi. Basynda men ýaıymdap, báribir avtobýstyń sońynan júrip otyrdym, biraq balalardyń sabaqqakeshikpeıtinine jáne qaýipsiz ekenine kózim jetti. Aıaldamaǵa kelgen kezde júrgizýshi “200-shi mektep" dep habarlap, barlyq balalardy alyp ketedi. Tek balalarǵa ǵana emes, ata - analarǵa da yńǵaıly, sondyqtan qazir alańdamaı jumys istep júrmin”, - dep bólisti ata-analardyń biri Jánibek Qojabergenov.
№200 mektep-gımnazıasynyń dırektory Aınur Nurymqyzy avtobýstar eki aýysymda 241 oqýshyny tasymaldaıtyn arnaıy keste jasalǵanyn atap ótti.
“Qazirgi ýaqytta №200 mektep-gımnazıada 2350 bala oqıdy. Bizge eki avtobýs berildi, bireýi 20 oryndyq, ekinshisi 36 oryndyq. Biz kesteni jáne sáıkesinshe avtobýstarǵa arnalǵan marshrýtty jasadyq. Birinshi aýysymda biz 110 oqýshyny, ekinshi aýysymda - 131 oqýshyny tasymaldaımyz. Balalardyń qýanyshynda shek joq, ata-analar da rıza”, - dedi ol.
Kestege sáıkes, tańǵy saǵat 07.10-da avtobýs júrgizýshisi Tursyn Spabekov balalardy Abaı saıajaıynan alyp ketedi. Sodan keıin saǵat 07:40-ta ol ekinshi aýysymdy jetkizedi. Al saǵat 12.00-den keıin balalardy úılerine qaıtarady.
Jalpy, avtobýstar halyqaralyq qaýipsizdik standarttaryna sáıkes keledi, apattyq shyǵý joly, qaýipsizdik beldikteri, múmkindigi shekteýli balalarǵa arnalǵan pandýs jáne t.b. bar.
Almatylyq oqýshylar qazir bilimniń alýǵa barar joldary jaqynda ǵana teledıdardan kórip júrgen “sary” avtobýstardan bastalatynyn aıtady....