Bul - Ortalyq Azıadaǵy ózge eldermen salystyrǵanda kóp kórsetkish.
Qazaq kınosy Fransıada qarapaıym kórermenniń de, sala mamandarynyń da júregin jaýlap alǵan. Olar jańa fılmderimizdi únemi asyǵa kútetinderin aıtady. Bıyl olardyń nazaryna "Mońǵol" tarıhı blokbasteri, rejıser Ámir Baıǵazınnnyń «Jaraly perishte» men rejıser Dárejan Ómirbaevtyń «Stýdent» fılmderi jáne Japonıamen birlesip túsirilgen «Barymtashylar» kartınasy usynylady, dep habarlaıdy Almaty-akshamy.kz 24.kz-ke silteme jasap.
«Kórsetilgen fılmder kórermenderdiń elimizge qyzyǵýshylyǵyn arttyrdy. Uly dala men taýlardy kórý úshin pandemıadan keıin Qazaqstanǵa qalaı barýǵa bolatyny jaıly únemi suraıdy. Adamdaryńyz qandaı sulý deıdi. Iaǵnı kınematografıanyń arqasynda Qazaqstanǵa saıahattaýǵa yntasyn oıattyq», - Fransıadaǵy Qazaqstan kıno qaýymdastyǵynyń prezıdenti Andre Ivanov
Ortalyq Azıa kınosynyń retrospektıvasyn IýNESKO uıymy da qoldady. Festıvál uıymdastyrýshylar «Tashkent - gorod hlebnyı» fılmin kórsetý múmkindigin úlken jetistik dep sanaıdy. Óıtkeni olarǵa bul kartınanyń túpnusqasyn aıryqsha senip tapsyrǵan eken.
«28 jyl boıy halyqty Ortalyq Azıa kınosymen tanystyryp kelemiz. Bul óte sırek fılmder bolǵandyqtan, kórermenderge múmkindikti jiberip almaýǵa keńes beremin. Festıvál qonaqtary biregeı retrospektıvany uıymdastyrý boıynsha eńbegimizdi joǵary baǵalady», - dedi Vezýldegi Azıa kınosy festıvaliniń uıymdastyrýshysy Jan-Mark Terýann.
Uıymdastyrýshylardyń aıtýynsha, Ortalyq Azıa kınosy – festıvál tarıhyndaǵy eń úlken jańalyq. Pandemıa kesirinen búkil álemde kınoóndiris toqyrap turǵan tusta, retrospektıvalyq kórsetilimder indetke deıin túsirilgen úzdik týyndylardy tamashalaýǵa múmkindik beredi.