Jańa qaýly: «Ashyq» jobasyna qatysýshylar úshin qandaı shekteýler joıyldy
Qazaqstan Respýblıkasynyń Bas memlekettik sanıtarlyq dárigeri Aıjan Esmaǵambetova «Ashyq» jobasyna qatysýshylar úshin qoldanystaǵy shekteýlerdi jeńildetýdi kózdeıtin №10 qaýlyǵa qol qoıdy, dep habarlaıdy almaty-akshamy.kz COVID-19 taralýyna jol bermeý jónindegi VAK-0a silteme jasap.
- Beıtarap «kók» mártebesi bar kelýshiler úshin «qyzyl» aımaqta kópshilik jınalatyn oryndarǵa – úı-jaılar 70%-ǵa deıin tolǵan kezde, oıyn-saýyq ortalyqtaryna, saýda úıleri men saýda jelilerine, kórmelerge, karaokege, túngi klýbtarǵa, sport keshenderine, baseınderge, sporttyq is-sharalarǵa, oıyn klýbtaryna, kazınoǵa, sondaı-aq saltanatty jıyndarǵa, as berýge, kópshilik jáne ózge de is-sharalarǵa barý kezindegi shekteýler alynyp tastaldy.
- Qyzmettiń barlyq túrleri úshin «sary» aımaqtaǵy shekteýler alynyp tastaldy.
Budan basqa, Qazaqstan Respýblıkasynyń Bas memlekettik sanıtarıalyq dárigeriniń 2022 jylǵy 18 aqpandaǵy №11 qaýlysymen qoldanystaǵy keıbir qaýlylarǵa ózgerister engizildi.
- Aýrý belgileri bolmaǵan kezde baılanysta bolǵan adamdardy úı karantıninde oqshaýlaý alynyp tastaldy.
- «Komırnatı» (Pfaızer) vaksınasyn qoldana otyryp, vaksınalaýǵa jatatyn adamdardyń tizbesi keńeıtildi: tizbege birinshi, ekinshi jáne úshinshi toptaǵy múgedektigi bar adamdar jáne birinshi kýrsty aıaqtaý úshin, shetelde vaksınanyń birinshi dozasyn alǵan adamdar engizildi.
- «Komırnatı» (Pfaızer) vaksınasyn qoldana otyryp, revaksınalaýǵa jatatyn adamdardyń tizbesi keńeıtildi: tizbege birinshi, ekinshi jáne úshinshi toptaǵy múgedektigi bar adamdar jáne 50 jastaǵy jáne odan joǵary jastaǵy adamdar engizildi.
- Qazaqstan Respýblıkasyna kirý úshin qujattamalyq rastaýdy usyný kezinde QR shekarasyn kesip ótken sátte Qazaqstan Respýblıkasynda revaksınasıa alǵan nemese eger ekinshi komponentti alǵannan keıin alty aıdan aspaıtyn ýaqyt ótken bolsa, COVID-19-ǵa qarsy vaksınalaýdyń tolyq kýrsyn alǵan adamdarǵa; Qazaqstan Respýblıkasynyń Bas memlekettik sanıtarlyq dárigeriniń qaýlysyna sáıkes, Qazaqstan Respýblıkasynyń aýmaǵynda jaramdy dep tanylǵan COVID-19-ǵa qarsy vaksınalaý týraly pasportty/sertıfıkatty/anyqtamany usynǵan adamdarǵa PTR-test júrgizý talap etilmeıdi.
- Birge erip júretin adamdarda «jasyl» nemese «kók» mártebe bolǵan jaǵdaıda olarǵa bilim berý uıymdaryna kirýge shekteýler alynyp tastaldy.
- Kınozaldarǵa tamaq jáne sýsyn alyp kirýge qoıylatyn tyıym alynyp tastaldy.