Aldanǵan adamdar quqyq qorǵaý organdaryna júginbeıdi, óıtkeni olar jalǵan qujattardy satyp alý arqyly zańdy buzǵandaryn túsinedi.
Qazaqstandyq polıseıler ınternette vaksınalaý pasporty men PTR-test anyqtamasyn satatyn 46 jarnamany anyqtap, birneshe sheteldik resýrsty buǵattaýǵa jibergen, dep habarlaıdy Almaty-akhamy.kz QazAqparat cilteme jasap.
İshki ister mınıstrliginiń baspasóz ókili Shuǵyla Turlybektiń aıtýynsha, polısıanyń barlyq bólimshelerinde arnaıy monıtorıńtik toptar qurylyp, olar ınternet jelisinde, áleýmettik jelilerde jáne messendjerlerde, jergilikti pablıkterde, jarnamalyq saıttarda ornalastyrylatyn jalǵan qujattardy satý jónindegi habarlandyrýlardy anyqtap, pysyqtap jatyr.
«Polısıa osyndaı 46 jarnamany anyqtady. Onda jalǵan vaksına pasporttary, oń nemese teris test nátıjeleri bar anyqtamalar aqshaǵa usynylady. Atalǵan resýrstarda Reseı Federasıasynda, Ýkraınada, Úndistanda jáne AQSH-ta medısınalyq anyqtamalar men vaksınasıa sertıfıkattaryn satý týraly habarlandyrýlar bar», - deıdi İİM ókili.
Shuǵyla Turlybektiń aıtýynsha, kıberqylmyspen kúres ortalyǵynyń mamandary aldyn ala tólem alýǵa baǵyttalǵan alaıaqtyq sqemalardyń qalaı iske asatynyn anyqtaǵan.
Alaıaqtar qarmaqqa ilingen azamattarǵa vaksınanyń birinshi komponentin alǵany týraly memlekettik organdardyń resmı resýrstaryna jatpaıtyn bógde poshta jáshikterinen habarlama jiberedi. Osyǵan aldanǵan azamattar 2 komponenttiń anyqtamasy úshin suraǵan aqshany aýdaryp jiberedi. Aqsha túsken boıda jarnama ıesi baılanys aıasynan joǵalady.
«Birqatar jarıalanymdardy taldaý alaıaqtardyń sheteldik bankterdiń kartalaryn qoldanǵanyn anyqtady, al «satýshylar» únemi ózgerip turatyn vırtýaldy telefon nómirlerin jıi qoldanady. Aldanǵan adamdar quqyq qorǵaý organdaryna júginbeıdi, óıtkeni olar jalǵan qujattardy satyp alý arqyly zańdy buzǵandaryn túsinedi. Anyqtalǵan sheteldik resýrstardy Qazaqstan aýmaǵynda buǵattaý úshin ýákiletti organǵa jiberildi. İshki ister mınıstrligi azamattarǵa qylmystyq proseske qatysýdan aýlaq bolýǵa jáne mundaı áreketterden saqtandyrýǵa shaqyrady», - deıdi vedomstvonyń baspasóz ókili.