Reseı turǵyndary kitap oqýǵa aptasyna 7 saǵat arnaıdy. Kórshi el byltyr bul kórsetkish boıynsha úzdik ondyqqa kirgen.
Al kitap eń kóp oqıtyn elderdiń úshtigine Azıadaǵy 3 memleket endi. Ol: Úndistan, Taıland pen Qytaı.
Úndistan turǵyndary kitap kóp oqıdy
Úndistan halqy kitapty kóp oqıtyn el sanalady, dep habarlaıdy almaty-akshamy.kz. Muny NOP World kompanıasy mamandarynyń byltyr júgizgen zertteý nátıjeleri kórsetip otyr. Oǵan sáıkes Úndistan turǵyndary eń kóp oqıtyn memleket dep tanyldy. Munda ár turǵyn kitap oqýǵa aptasyna orta eseppen 10 saǵat 42 mınýt arnaıdy eken. Ekinshi orynda Taıland, úshinshi orynda Qytaı tur.
Pandemıanyń paıdasy
Álemde kitapty eń kóp oqıtyn memleketterdiń ondyǵynda Eýropa memleketteri kóp. Ispanıa ótken jyly bul tizimge kirmeı qaldy. Biraq Pıreneı túbegi bıligi aldaǵy ýaqytta jaǵdaıdy túbegeıli ózgertýdi maqsat etip otyr. Keıingi jyldary munda kitap oqıtyn turǵyndardyń úlesi 43%-ke artqan. Mamandar: «bul – koronavırýstyń paıdasy», – deıdi. Óıtkeni pandemıa kezinde úıden shyqpaı otyrǵan ıspandyqtar meılinshe kóp oqıtyn bolǵan.
Kitap oqýǵa qyzyǵýshylyq tómendedi
Degenmen mamandar keıingi jyldary dúnıejúzinde kitap oqýǵa degen qyzyǵýshylyq azaıyp bara jatqanyn aıtady. Óıtkeni tehnologıalar damyǵan zamanda kóbi kórkem shyǵarmalardan góri áleýmettik jelilerden jańalyqtardy baqylap otyrǵandy jón sanaıdy eken. Mysaly, saýalnama nátıjeleri kórsetip otyrǵandaı, kórshi Reseı turǵyndarynyń 30%-i bir jyl ishinde qolyna birde bir kitap ustamaǵanyn moıyndaǵan. Biraq sonyń ózinde byltyr kórshi el halqy eń kóp oqıtyn memlekettrdiń úzdik ondyǵyna kirdi. Turǵyndar buǵan aptasyna orta eseppen 7 saǵat arnaıdy eken.
Istochnık: https://24.kz/kz/zha-aly-tar/lemde/item/649512-ndistandy-tar-kitapty-e-k-p-o-ityn-memleket-dep-tanyldy
Qoldanylǵan materıaldarǵa mindetti túrde www.24.kz saıtyna gıpersilteme berilýi tıis