Bul qyzmetke Danabek Kerimraı keldi.
QR UEM mınıstriniń buıryǵymen Danabek Altynbekuly Kerimraı Qazaqstan Respýblıkasy Ulttyq ekonomıka mınıstrligi apparatynyń basshysy bolyp taǵaıyndaldy, dep habarlaıdy Almaty-akshamy.kz QR Premer-Mınıstriniń baspasóz qyzmetine silteme jasap.
Danabek Kerimraı 1982 jyly Shymkent qalasynda týǵan.
«Mıras» ýnıversıtetin, M.Áýezov atyndaǵy Ońtústik Qazaqstan memlekettik ýnıversıtetin, Psıhologıa, kásipkerlik jáne menedjment akademıasyn bitirgen.
Eńbek jolyn 2003 jyly OQO Syrtqy ekonomıkalyq baılanystar jáne ınvestısıalar basqarmasynyń aýdarma mamany bolyp bastaǵan.
2 004-2005 jyldary — OQO Jastar isi jáne ishki saıasat departamenti Tilder bóliminiń jetekshi mamanynyń m. a., jetekshi mamany.
2005-2006 jyldary — OQO Tilderdi damytý basqarmasynyń ulttyq jáne shet tilderin damytý bóliminiń bas mamany.
2006 jyly OQO Ekonomıka jáne búdjettik josparlaý basqarmasynyń syrtqy ekonomıkalyq baılanystar bóliminiń bas mamany qyzmetin atqardy.
2006-2009 jyldary Ońtústik Qazaqstan oblysy, Shymkent qalasy ákimi apparatynyń qurylymdarynda jumys istedi.
2009-2011 jyldary — QR Qorshaǵan ortany qorǵaý mınıstrliginde basshylyq qyzmetter atqardy.
2011-2012 jyldary Qazaqstannyń turǵyn úı-kommýnaldyq sharýashylyǵyn damytýdy jańǵyrtý ortalyǵynda jumys istedi.
2012-2013 jyldary — QR Qurylys jáne turǵyn úı-kommýnaldyq sharýashylyq isteri agenttiginiń Qarjylyq qyzmet jáne búdjetti josparlaý departamentiniń dırektory orynbasarynyń m. a., dırektordyń orynbasary.
2013-2014 jyldary — QR Óńirlik damý mınıstrliginiń Qarjylyq qyzmet jáne búdjettik josparlaý departamenti dırektorynyń orynbasary, dırektory.
2014-2016 jyldary — QR Ulttyq ekonomıka mınıstrliginiń Ekonomıka jáne qarjy departamentiniń dırektory.
2017 jylǵy shildeden bastap qazirgi ýaqytqa deıin QR UEM Ekonomıka jáne qarjy departamentiniń dırektory boldy.