QR Premer-Mınıstriniń orynbasary – Qarjy mınıstri Erulan Jamaýbaev áleýmettik kásipkerlik máselesine qatysty jıyn ótkizdi, dep habarlaıdy Almaty-akshamy.kz Inbusiness.kz-ke silteme jasap.
Jıynǵa barlyq oblys pen Astana, Almaty jáne Shymkent qalalary ákimderiniń orynbasarlary, QR Parlamenti Senatynyń depýtaty Erik Sultanov, sonymen qatar múddeli mınıstrlikter qatysty.
Jıynda áleýmettik kásipkerlik máseleleri, sondaı-aq osy ınstıtýtty damytý jáne odan ári jetildirý máseleleri talqylandy.
Budan bólek, aýyl sharýashylyǵy salasyndaǵy azyq-túlik ónimderin ótkizý shyǵyndaryn sýbsıdıalaý máselesi qaraldy.
Keńes qorytyndysy boıynsha Premer-Mınıstrdiń orynbasary ákimdikterge, atap aıtqanda, jańadan qurylǵan óńirlerge áleýmettik kásipkerlikti qoldaý sharalaryn qabyldaýdy qamtamasyz etýdi jáne jumysty jandandyrýdy tapsyrdy.