Astana halqymen birge Úkimet músheleri de referendýmda óz tańdaýyn jasady, dep habarlaıdy almaty-akshamy.kz QazAqparatqa silteme jasap.
Aqparat jáne qoǵamdyq damý mınıstri Asqar Ýmarov tańǵy saǵat 7:00-de daýys berý ýchaskesinde kezekte turǵanyn aıtyp, Facebook-te jazba qaldyrdy.
«Bárinen erte daýys beremin dep jospar qurdym keshe. Kelsem, aldymda biraz adam jınalyp qalypty», - dep jazdy vedomstvo basshysy.
QR Sırflyq damý, ınovasıalar jáne aeroǵarysh ónerkásibi mınıstri Baǵdat Mýsın de óziniń daýys bergen sátinen Instagram-da sýret jarıalady.
«Ózimizdiń jáne keleshek urpaqtyń bolashaǵy úshin daýys berdik», - dep jazdy mınıstr sýrettiń astyna.
Sondaı-aq, QR Bilim jáne ǵylym mınıstri Asqat Aımaǵambetov Qazaqstan azamaty retindegi konstıtýsıalyq quqyǵyn paıdalanǵanyn aıtty.
«Referendýmǵa qatysyp, óz ýchaskemde daýys berdim. Jalpy, daýys berý prosesi óte jaqsy uıymdastyrylǵan. Saılaýshylardyń belsendi qatysýyna qaramastan, komısıa músheleri jumystaryn tıanaqty istep jatyr. 2022 jylǵy 5 maýsym Qazaqstan tarıhyndaǵy mańyzdy kúnderdiń birine aınalatynyna senimdimin», - dep jazdy ol Facebook-tegi paraqshasynda.