Alǵashqy qońyraý merekesi synyp saǵaty retinde atalyp ótti.
Almaty qalalyq Qylmystyq atqarý júıesi departamentine qarasty LA-155/6 túzeý kolonıasynda da Bilim kúni atalyp ótti, dep habarlaıdy Almaty-akshamy.kz.
Aıaǵyn shalys basyp, jazaly bolyp, sottlaǵan balalar tárbıelenip jatqan mekemede jańa oqý jylynyń bastalýyna oraı uıymdastyrylǵan alǵashqy qońyraý merekesi synyp saǵaty retinde atalyp ótti.
Mekemedegi sottalǵandar arasynda áleýmettik-psıhologıalyq tárbıe jumysy bóliminiń bastyǵy, ádilet maıory Alma Bázilbaeva ustazdar men oqýshylardy Bilim kúnimen quttyqtady. Mektep muǵalimderiniń qajyrly eńbegine alǵys aıta otyryp, sáttilik, tabystar tiledi.
Bıyl balalar túrmesindegi bilim oshaǵynda 4 synyp jasaqtalǵan. 10-11-synyptarda barlyǵy 33 oqýshy bilim alady. Olarǵa 11 muǵalim sabaq beretin bolady. Jastardyń qaýipsizdigi úshin ustazdar túgel derlik ekpe alǵan.
Búgingi aıtýly kúnde ár synyptyń jetekshileri «Táýelsizdik jetistikteri» degen taqyrypta synyp saǵatyn ótti. Qazaqstannyń 30 jyl ishinde jetken jetistikteri saralanyp, jasóspirimderge túsindirildi.