15 834 adam jaraqat alǵan.
Túrkıanyń ońtústiginde bolǵan zilzaladan qaza tapqandar sany 2921 adamǵa jetti. Bul týraly Túrkıa Tótenshe jaǵdaılar basqarmasynyń (AFAD) basshysy Iýnýs Sezar málimdedi, dep habarlaıdy Almaty-akshamy.kz QazAqparatqa silteme jasap.
Onyń sózinshe, 15 834 adam jaraqat alǵan.
Túrkıa vıse-prezıdenti Fýat Oktaı úıindi astynan 7840 adam aman shyqqanyn habarlady.
Sondaı-aq F.Oktaı 338 myń adam jataqhana, ýnıversıtet pen túrli ornalastyrý oryndaryna jaıǵastyrylǵanyn aıtty.
Prezıdent Rejep Taııp Erdoǵan Túrkıada jeti kúnge jalpyulttyq aza tutý kúnin jarıalady. El aýmaǵynda barlyq Memlekettik týlar túsirildi.
AFAD dereginshe, Túrkıanyń ońtústik-shyǵysynda bir táýlik ishinde magnıtýdasy jeti baldan joǵary eki jer silkinisi (jergilikti ýaqytpen 04:17-de – 7,7 bal, 13:24-te – 7,6 bal) bolǵan.
Túrkıa bıligi jerasty dúmpýiniń qaıtalanýynan qaýiptenip, turǵyndardan úılerine qaıtpaýdy surady.