Ustaý kezinde kúdiktiler kólikterdiń birinde jasyrynýǵa tyrysqan.
Taldyqorǵanda aqbóken múıizin satýǵa tyrysqan tórt adam ustaldy, dep habarlaıdy Almaty-akshamy.kz QazAqparatqa silteme jasap.
Kúdiktiler Ravon Nexia jáne Mazda kólikterimen júrgen. Ustaý kezinde úsheýi kólikterdiń birinde jasyrynýǵa tyrysqan.
Aqbókenniń 270 múıizi tárkilendi. Ustalǵandar 1982-2000 jyldary týǵan Almaty qalasy, Jambyl jáne Almaty oblystarynyń turǵyndary ekendigi anyqtaldy. Barlyǵy oblystyq polısıa departamentine túsinik berý úshin jetkizildi.
«QR QK-niń 339-babynyń 2-bóliminde «Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý» kózdelgen tergeý amaldary bastaldy», - delingen Jetisý oblystyq polısıa departamenti baspasóz qyzmetiniń habarlamasynda.