Úkimet pen Parlament týrızmdi damytý máselesine basa nazar aýdarýy tıis. Bul týraly Memleket basshysy Qasym-Jomart Toqaev VIII saılanǵan QR Parlamentiniń birinshi sesıasynda aıtty, dep habarlaıdy almaty-akshamy.kz
«Taǵy bir mańyzdy másele – Úkimet jáne Parlament týrızmdi damytý máselesine basa nazar aýdarýy tıis. Elimizdegi týrızmniń áleýeti zor, kórikti jerlerimiz óte kóp. Biraq, sol jerlerge baryp, demalýǵa áli de jurttyń qoly jete bermeıdi. Bul salaǵa tyń serpin berý úshin, eń aldymen, ınfraqurylym máselesin keshendi túrde sheship, qyzmet sapasyn túbegeıli jaqsartý qajet», - dedi Qasym-Jomart Toqaev.
Prezıdenttiń pikirinshe, kásipkerler týrızmniń bolashaǵy zor ekenin kórýi kerek.
«Sol úshin qajetti jaǵdaıdy jasaǵan jón. Osy salaǵa salynǵan jeke ınvestısıanyń kólemi, ishten jáne syrttan kelgen týrıserdiń sany neǵurlym kóp bolsa, jumystyń nátıjesi de soǵurlym tıimdi bolmaq», - dedi Memleket basshysy.