IQ ALA JASTARY jobasynyń qatysýshylaryna arnaıy «Tulǵa evolúsıasy» taqyrybynda semınar uıymdastyryldy
Almaty qalasy Jastar saıasaty basqarmasynyń qoldaýymen, Almaty qalasy «Jastar Rýhy» JQ, «Alash Jastar Odaǵy» qoǵamdyq qorynyń birlese uıymdastyrýymen “IQ-ALA jastary” joba aıasynda qatysýshylar úshin «Tulǵa evolúsıasy» taqyrybynda semınar uıymdastyryldy.
Semınardyń basty maqsaty – jastardyń tulǵalyq damýyna yqpal etý, kóshbasshylyq qasıetterin jetildirý, jáne olardyń zamanaýı qoǵamdaǵy belsendiligin arttyrý boldy. İs-sharaǵa ártúrli salada bilim alyp jatqan stýdentter men jas mamandar qatysyp, ózderiniń bolashaǵyna qajetti qundy aqparattar aldy.
Semınar barysynda kelesi taqyryptar qamtyldy:
•Tulǵa evolúsıasynyń negizgi kezeńderi men qaǵıdalary;
•Jeke damýdyń qupıalary: maqsat qoıý, motıvasıany arttyrý jáne qıyndyqtardy jeńý;
•Ýaqytty tıimdi basqarý jáne tabysty ádetterdi qalyptastyrý joldary;
•Kóshbasshylyq qasıetterdi damytý jáne toppen jumys isteý daǵdylary;
Semınar ınteraktıvti formatta ótip, jastar arasynda pikirtalas pen pikir almasýǵa múmkindik týdy.
