Bul halyqaralyq týrnır 2021 jyly bolady dep kútilgen
World Triathlon pen Asia Triathlon 2022 jyldyń 23–24 maýsymynda Nur-Sultanda U23 pen Junior sanattaryndaǵy sportshylar arasynda trıatlonnan Azıa chempıonaty bolatyndyǵyn rastady, dep habarlaıdy Almaty-akshamy.kz Olympic.kz-ke silteme jasap.
Astanamyz 2022 Asia Triathlon Junior and U23 Championships Nur-Sultan atty qurlyqtyq birinshiliktiń qatysýshylaryn alǵash ret qabyldaıtyn bolady. Búgingi tańda saıys jáne jaýapty tehnıkalyq delegattar bekitildi.
Bul halyqaralyq týrnır 2021 jyly bolady dep kútilgenimen, turaqsyz epıdemıologıalyq jaǵdaıǵa jáne birqatar elderdegi shekteýlerge baılanysty bolmaı qalǵan edi.
Eske sala keteıik, 24 shildege TEMIRADAM Kýbogynyń V kezeńi josparlanyp otyr. Pro jáne Age Group sanatyndaǵy saıyskerler qurlyqtyq chempıonattyń tarıhı dıstansıasynda synǵa túsý múmkindigine ıe boldy.