Geolog maman Úkimettiń keńeıtilgen otyrysynda Memleket basshysynyń aıqan sózine qatysty óz pikirin bildirdi.
Geologıa salasynyń mamany Toqtamys Meńdibaı munaı óndirý tıimsiz, paıdasynan shyǵyny kóp.Sol sebepten memleket azamattaryn bolashaqta jumyspen qamtamasyz eti úshin aldyn ala jospar jasaý kerektigin aıtady, dep habarlaıdy Almaty-akshamy.kz.
Memleket basshysy halyqtyń tabysy ortasha respýblıkalyq deńgeıge jetpeıdi, birqatar óńirde tipti azaıyp, mınýsqa ketken dedi. Ákimder jyl saıyn ár 10 myń adamǵa 100 jańa jumys ornyn ashýy kerek edi, biraq bul baǵytta da nátıje joq. Jurt munaı óndiretin kompanıalarǵa jumysqa turǵyzýdy jıi talap etetin bolǵan. Biraq Prezıdent Jańaózendegi ken oryndarynyń kóbi sarqylyp jatqanyn ashyq aıtty. Geologıa salasynyń mamany Toqtamys Meńdibaı da munaı óndirý qazir tıimsiz, halyqtyń jaǵdaıyn kóterý sharalaryn aldyn ala josparlaýymyz kerek deıdi.
«Munaı bolsyn, tústi metal, altyn bolsyn bári keńes kezinde zerttelgen. Qazir olardyń bári sarqylýǵa daıyn. Barlyǵy derlik onyń ishinde jańaǵy Jańaózen, Teńizshevroıl bolsyn, Qashaǵannan basqasynyń báriniń qory sarqylýǵa taıaý. Endi ary qaraı munaı óndirý tıimsiz, paıdasynan shyǵyny kóp. Al ol jerde qansha adam otyr. Olar erteń nemen aınalysady? Osynyń bári aldyn ala josparlanyp, búginnen bastap qabyldanýy tıis emes pe», – dedi tehnıka ǵylymdarynyń doktory Toqtamys Meńdibaı.