Kóńil aıtý jol-kólik apattarynan kóp adamnyń qaza tabýy men birqatar azamattyń aýyr jaraqat alýyna baılanysty.
Memleket basshysy Túrkıa Prezıdenti Redjep Taııp Erdoǵanǵa kóńil aıtý jedelhatyn joldady, dep habarlaıdy Almaty-akshamy.kz
Qasym-Jomart Toqaev Túrkıanyń Mardın jáne Gazıantep provınsıalaryndaǵy jantúrshigerlik jol-kólik apattarynan kóp adamnyń qaza tabýy men birqatar azamattyń aýyr jaraqat alýyna baılanysty Prezıdent Redjep Taııp Erdoǵanǵa kóńil aıtý jedelhatyn joldady.
«Osyndaı qıyn sátte qaıǵy-qasiretterińizge ortaqtasyp, barsha qazaqstandyqtyń jáne jeke ózimniń atymnan sizge jáne jaqyndarynan aıyrylǵan otbasylarǵa, sondaı-aq baýyrlas túrik halqyna qaıǵyra kóńil aıtamyn. Marqumdardyń Alla Taǵalanyń shapaǵatyna bólenýin, zardap shekkenderdiń tez arada saýyǵyp ketýin tileımin», – dep jazylǵan Prezıdenttiń jedelhatynda.