Prezıdent Mańǵystaý oblysyna jumys sapary barysynda Beket ata jer asty meshitine zıarat etti, dep habarlaıdy Almaty-akshamy.kz.
Qasym-Jomart Toqaev tarıhı orynda jergilikti aqsaqaldarmen áńgimelesip, eldik máselelerdi talqylady, delingen Aqorda habarlamasynda.
«Qasıetti jerge zıarat etý úshin arnaıy keldim. Munda 2019 jyly Prezıdent laýazymyna kirisken kezde kelgen edim. Búgin jurtshylyqpen kezdesip, mańyzdy máselelerdi talqyladyq. Mańǵystaý oblysynyń damýyna tyń serpin berý kerek ekenin aıttym. Úkimetke tıisti tapsyrmalar berdim. Amanshylyq bolsa, keleshekte oblysta bári jaqsy bolady dep oılaımyn. Osy baǵytta júzege asyrylyp jatqan jumystardyń bári meniń baqylaýymda bolady», - dedi Memleket basshysy Qasym-Jomart Toqaev.