13 óńirde eskertý jarıalady
«Qazgıdromet» RMK 8 qarashada aýa raıynyń buzylýyna baılanysty birneshe óńirde eskertý jarıalady, dep habarlaıdy Almaty-akshamy.kz.
Atap aıtqanda, Astana qalasynda túnde jáne tańerteń tuman kútiledi.
Jetisý oblysynyń taýly jáne taý etegindegi aýdandarynda qatty jaýyn-shashyn (jańbyr, qar) kútiledi. 8-10 qarashada túnde jáne tańerteń taýly jerde tuman bolady. Ońtústik-batystan jel soǵady, oblystyń shyǵysynda jáne taýly aýdandarynda ekpini 25 m/s jetedi.
Almaty oblysynyń ońtústiginde jáne taýly aýdandarynda qatty jaýyn-shashyn (jańbyr, qar) boljanady. Taý jerde sondaı-aq tuman, kóktaıǵaq bolady. Ońtústik-batystan soǵatyn jeldiń kúshi 25 m/s artady. Kúndiz aýa temperatýrasy +2+7 jylyǵa deıin, soltústikte jáne taýly aımaqtarda -4 gradýsqa deıin kúrt tómendeýi yqtımal.
Almaty qalasynda keı ýaqytta katty jańbyr jaýady. Kúndiz aýa temperatýrasy +5+7 gradýs jylyǵa deıin tómendeıdi.
Qyzylorda oblysynyń soltústiginde tuman kútiledi. Túnde oblystyń ortalyǵynda, shyǵysynda kóktaıǵaq bolady.
Túnde jáne tańerteń Aqmola oblysynyń ońtústik jartysynda tuman kútiledi.
Túnde jáne tańerteń Batys Qazaqstan oblysynyń soltústiginde, shyǵysynda tuman boljanady.
Mańǵystaý oblysynyń soltústigin tuman basyp, ońtústik-shyǵystan soǵatyn jeldiń kúshi kúndiz batysta 15-18 m/s jetedi.
Túnde Túrkistan oblysynyń taýly jáne taý bókterli aýdandarynda qatty jaýyn-shashyn (jańbyr, qar) kútiledi. Oblystyń soltústiginde, ońtústiginde, taýly jáne taý bókterli aýdandarynda tuman túsedi. Óńirdiń soltústigi men batysynda kóktaıǵaq bolady. Soltústik-batystan, soltústikten jel soǵady, taý asýlarynda kúshi 15-20 m/s artady.
Shymkent qalasynda túnde qatty jaýyn-shashyn (jańbyr, qar) jaýady. Keı ýaqytta tuman kútiledi.
Qostanaı oblysynyń soltústiginde, shyǵysy men ońtústiginde tuman bolady.
Pavlodar oblysynyń soltústiginde, batysy men shyǵysynda tuman boljanady.
Túnde jáne tańerteń Soltústik Qazaqstan oblysynyń soltústiginde, ońtústigi men shyǵysynda tuman kútiledi.