Jerlester jetistigi: jalpykomandalyq esepte Qazaqstan úshinshi oryn aldy
Búgin TMD elderi oıyndarynda taı boksynan jeńimpazdar belgili boldy. Qazaqstan quramasy bul synda bir altyn, alty kúmis pen tórt qola medal ıelendi, dep habarlaıdy Almaty-akshamy.kz.
Uldar arasynda Shámil Ermaǵambetov 54 kılo salmaqtyń fınalynda belarýs Nıkıta Mıronchıkti jeńip, chempıon atandy.
Ókinishke qaraı, Rýslan Zaıakın (71 kg) reseılik Konstantın Shahtarınnen, Aleksandr Sarıkov te (81 kg) reseılik Alı Alıevten, Evgenıı Zımın de (91 kg) reseılik Dmıtrıı Vasenevten utylyp, kúmis júldeger atandy. Sonymen qatar Vladımır Antonov (+91 kg) Belarýs ókili Fedor Kaltýnǵa jol berip, ekinshi orynnan kórindi.
Al Rústem Ámenjanov (57 kg) pen Baqytjan Marat (75 kg) úzdik úshtikti qorytyndylap, qola júldege qol jetkizdi.
Qyzdar arasynda Rozalına Velıchko (57 kg) reseılik Marıa Klımovaǵa, Vıktorıa Goloshýbova (63,5 kg) reseılik Valerıa Albýlǵa fınalda ese jiberdi. Sondaı-aq Dıana Tóleýova (48 kg) men Dıana Pıvsova (51 kg) qola medalge ıe boldy.
Budan bólek, Vladıslav Goloshýbov (60 kg) pen Evgenıı Zaısev (63,5 kg) óz salmaǵynda 7-satyǵa jaıǵassa, Ahmet Asqar (67 kg) 6-orynǵa turaqtady.
Aıta keteıik, taı boksynan 1998-2004 jyly dúnıege kelgen sportshylar 16 júlde jıyntyǵyn (uldar arasynda 10, qyzdar arasynda 6 salmaqta) sarapqa saldy. Jalpykomandalyq esepte Qazaqstan Reseı men Belarýsten keıin úshinshi oryn aldy.