Táýelsizdiktiń 30 jyldyǵyna arnalǵan ekspedısıa elimizdi tanytyp júr
«Shoqan Ýálıhanov» ıahtasynyń ekıpajy jer sharyn aralap, Aqtaýǵa qaıta oraldy. Bul saıahat 2007 jyldyń kúzinde bastalǵan bolatyn, dep habarlaıdy Almaty-akshamy.kz.
Sol maýsymda keme Atlantıkany kesip ótedi. Biraq qarjylyq qıyndyqtarǵa baılanysty joba ýaqytsha toqtap qalǵan edi. Tórt jyldan keıin soń saıahat qaıta bastalady. Elimizdiń Tuńǵysh Prezıdenti - Elbasy Nursultan Nazarbaev ıahta komandasyna tapsyrǵan memlekettik tý úsh muhıtty kesip ótip, Evropa, Ońtústik Amerıka memleketterinde, Tynyq muhıttaǵy araldarda bolyp endi elge oraldy. Jer sharyn aınalyp shyqqan elimizdiń kók týy murajaıǵa tapsyrylady. Saıahatty Ortalyq Azıalyq Geografıa qoǵamy uıymdastyrǵan.
Qoǵam basshysy Qanat Óskenovtyń aıtýynsha, Táýelsizdiktiń 30 jyldyǵyna oraılastyrylǵan ekspedısıa elimizdiń tanylýyna septigin tıgizgen. Óıtkeni ekspedısıa músheleri aıaldaǵan ár aılaqta Qazaqstannyń týyn kóterip, ánuranymyzdy shyrqaǵan.
«Ekspedısıanyń maqsaty - búkil elge Qazaqstandy tanytý úshin. Maqsat jaqsylap oryndaldy dep oılap otyrmyz. Bizde taǵy da bir joba bolyp jatyr. Nege deseńiz, endi úlkendeý birdeńe jasap, Gınnestiń rekordtar kitabyna kirgimiz kelip otyr», - deıdi «Jańarý» RQB Almaty qalalyq fılıalynyń dırektory Qanat Óskenov.