Eleýsizov Tımýr Melsuly «Jasyl-Almaty» («Zelenstroıdyń» zamanaýı balamasy) komýnaldyq memlekettik mekemesiniń basshysy bolyp taǵaıyndaldy. Almaty qalasynyń ákimi Darhan Satybaldynyń tapsyrmasymen qurylǵan mekeme qala aýmaǵyndaǵy saıabaqtardy, skverlerdi jáne jaǵalaýlardy kútip ustaý men qyzmet kórsetýmen aınalysady. Bul týraly qalanyń qoǵamdyq keńistikterdi damytý basqarmasynyń ókilderi aıtty.
Jańa qurylymnyń negizgi mindeti — jasyl aýmaqtarǵa júıeli kútim jasaý, tártip ornatý, sondaı-aq olardy kútip ustaý boıynsha jaýapkershilikti naqty bóle otyryp, tájirıbelik nátıjege baǵyttalǵan biryńǵaı tásildi qalyptastyrý.
«Jasyl-Almaty» KMM-ni qurý týraly sheshim qaladaǵy jasyl qordy basqarý salasynda jınaqtalǵan máselelerdi, biryńǵaı operatordyń bolmaýyn jáne jasyl jelekterge kútim jasaýdaǵy bytyrańqy tásildi eskere otyryp qabyldandy.