Shymkent qalasyndaǵy medısınalyq mekemelerdiń birinde merzimdi áskerı qyzmettegi sarbaz kenetten kóz jumdy, dep habarlaıdy Aqshamnews.kz tilshisi.
Ulttyq ulannyń baspasóz qyzmetiniń málimetinshe, jas jigittiń júregi toqtap qalǵan. Marqum Jambyl oblysy, Taraz qalasynan ásker qataryna shaqyrylǵan. Qyzmet barysynda ol densaýlyǵyna baılanysty birneshe márte dárigerler kómegine júgingen.
Sarbaz Shymkent qalasyndaǵy aýrýhanalarda mamandardyń turaqty baqylaýynda bolyp, qajetti medısınalyq tekserýlerden ótken. Alaıda 2026 jylǵy 6 qańtarda onyń júregi kenetten toqtap, dárigerler jansaqtaý sharalaryn júrgizgenimen, ómirin saqtap qalý múmkin bolmaǵan.
Aldyn ala málimetterge sáıkes, ólimniń yqtımal sebebi — «jiti leıkoz» (qan obyry). Aýrýdyń kúrt asqynýy aǵzanyń jalpy jaǵdaıyna keri áser etken.
Atalǵan derek boıynsha Áskerı-tergeý basqarmasy qylmystyq is qozǵady. Qazirgi tańda oqıǵanyń mán-jaıyn anyqtaý úshin tergeý amaldary júrgizilip jatyr.