Asa iri kólemde kiris alǵandary dáleldendi
QMA qalalyq departamenti áleýmettik jelide zańsyz oıyn bıznesin uıymdastyrýshylardyń áreketin toqtatqanyn málimdedi, dep habarlaıdy Almaty-akshamy.kz.
Almaty turǵyndary TikTok áleýmettik jelisinde aqshany alý jáne utystardy bank aýdarymdary arqyly berýmen onlaın qumar oıyndardy uıymdastyrǵan.
Tergeý barysynda azamattardyń áleýmettik jelilerde 4 aı ishinde zańsyz oıyn bıznesin uıymdastyryp, 13 mıllıon teńgege jýyq somaǵa asa iri kólemde kiris alǵany dáleldengen.
«Almaty qalasynyń eki turǵyny kináli dep tanylyp, 1,5 jylǵa bas bostandyǵynan aıyryldy. Sonymen qatar, sot zańsyz oıyn bıznesi salasynda asa iri kólemde kiris alý arqyly osyǵan uqsas quqyqbuzýshylyq jasaǵan 4 tulǵaǵa qatysty isti qaraýda», - delingen habarlamada.
Áleýmettik jelilerde qumar oıyndar uıymdastyrý zańsyz jáne QR «Oıyn bıznesi týraly» zańynyń normalaryna qaıshy keledi.