14-18 qyrkúıekte tórt qalada ótedi.
Tenısten Qazaqstan quramasynyń Devıs kýbogyndaǵy qarsylastary anyqtaldy, dep habarlaıdy Almaty-akshamy.kz Olympic.kz silteme jasap.
Toptyq kezeń machtary bıylǵy 14-18 qyrkúıekte tórt qalada ótedi. Qazaqstan quramasy D tobynda Glazgo qalasynda kort ıeleri – Ulybrıtanıa, sondaı-aq AQSH jáne Nıderlandy quramalarymen oınaıdy. 2019 jyly Madrıdte qazaqstandyqtar toptyq kezeńde Ulybrıtanıa jáne Nıderlandy tenısshilerimen synǵa túsken bolatyn. Onda Qazaqstan quramasy nıderlandylyqtardan 2:1 esebimen basym túsip, dál sondaı eseppen ulybrıtanıalyqtarǵa jol bergen edi. Al AQSH quramasymen alǵash ret sheberlik baıqaspaq.
Sondaı-aq A tobynda Bolonáda Italıa, Horvatıa, Argentına, Shvesıa quramalary ózara kúshtini anyqtaıdy. V tobynda Valensıada Ispanıa, Kanada, Serbıa jáne Ońtústik Koreıanyń joldary túıisedi. C tobynda Gambýrgte Germanıa, Fransıa, Belgıa jáne Aýstralıa quramalary kortqa shyǵady.
Devıs kýbogynyń toptyq kezeńi alǵash ret tórt qalada ótse, pleı-off básekeleri Malagada bolady. Pleı-off kezeńine ár toptan eki úzdik komanda joldama alady. Kýboktyń sheshýshi oıyndary 23-27 qarashada ótip, jeńimpaz anyqtalady.