Jibek Qulambaeva 280-nen 273-orynǵa kóterildi.
Áıelder tenısi qaýymdastyǵy (WTA) jańartylǵan reıtıńti jarıa etti, dep habarlaıdy Almaty-akshamy.kz QazAqparatqa silteme jasap.
Qazaqstannyń birinshi raketkasy Elena Rybakına álemdik reıtıńte 21-ornyn saqtap qalsa, Iýlıa Pýtınseva 32-den 33-ke syrǵydy.
Zarına Dıas 199-satyda tur. Jaraqatyna baılanysty kógaldaǵy korttarda bolatyn jarystarǵa, sonyń ishinde Ýımbldon týrnırine qatysa almaıtyn Zarınanyń kórsetkishi birte-birte quldyrap barady.
Juptyq synda Qazaqstannyń úzdik tenısshisi Anna Danılına 21-satyda keledi. Jibek Qulambaeva 280-nen 273-orynǵa kóterildi. Sóıtip, Jibek óziniń jeke rekordyna qol jetkizdi.
Gózal Aınıtdınova 427-orynda qaldy.
Eske sala keteıik, budan buryn Qazaqstannyń birinshi raketkasynyń álemdik reıtıńide 37-orynǵa kóterilgenin, qazaqstandyq jas tenısshiniń Grýzıadaǵy jarysta absolútti chempıon atanǵanyn jazǵan bolatynbyz.