Túıtkildi suraqtarǵa jaýap berdi.
Energetıka mınıstri Almatydaǵy issaparynyń aıasynda qala turǵyndarymen kezdesti, dep habarlaıdy Almaty-akshamy.kz Almaty.tv silteme jasap.
Túıtkildi suraqtarǵa jaýap bergen Bolat Aqsholaqov ár sektor boıynsha jumystyń jospary men jobasyn tanystyrdy. Ásirese, qaladaǵy ekologıa, gaz ben jaryq júıesine basa nazar aýdarǵan jıynǵa qatysýshylar atalǵan máselelerdiń sheshimi tabylsa deıdi.
«Gazben qamtamasyz etý beketi qazirgi ýaqytta jetispeıdi. Soǵan baılanysty mınıstrge usynys aıtqanbyz. Avtobýstardy qosymsha gazben qamtamasyz etý, avtobýs beketterin salý týraly usynys aıttyq», – dedi qalalyq máslıhat depýtaty Esengeldi Talbıdınov.
Turǵyndar suraǵyna jaýap bergen Energetıka mınıstri gazben júretin kólikterdiń máselesi qarastyrylyp jatqanyn aıtty. Bul maqsatta qalada qosymsha beketterdi salý kún tártibinde tur.