Bokstan Belgradta ótip jatqan álem chempıonatynda Qazaqstan komandasy alǵashqy altynyn jeńip aldy dep habarlaıdy almaty-akshamy.kz Olympic.kz. silteme jasap.
48 kelide judyryqtasqan Temirtas Júsipov fınalda taılandyq Výttıchaı Iýrachaıdy 5:0 esebimen jeńdi. Sondaı-aq, ol qarsylasyn úshinshi raýndta nokdaýnǵa jiberip, óziniń álemdegi myqtylyǵyn dáleldedi.
Jekpe-jek tolyǵymen qazaqstandyq sportshynyń basymdyǵymen ótti. Temirtas salqynqandylyǵynan tanbaı, taılandtyq boksshyǵa artyq soqqy jumsatpaı, úsh raýndty da bir demmen ótkizdi.
Aıta ketelik, Temirtas Júsipov buǵan deıin álem chempıonattarynda júlde almaǵan. Ol Azıa chempıony, áskerıler arasyndaǵy álem chempıony jáne Qazaqstannyń bes dúrkin chempıony.
"Bul jeńisimdi barsha qazaq eline arnaımyn! Jankúıerlerge qoldaýy úshin alǵysym sheksiz. Fınaldyq kezdesý bolǵan soń, psıhologıalyq turǵydan qıyndaý boldy.
Al qarsylasym týraly aıtar bolsam... Ol óte yńǵaısyz, jyldam qımyldaıtyn boksshylar eken. Alaıda, bapkerlerimniń aıtýymen jekpe-jek barysynda ony jeńýdiń jolyn taptym.
Barsha halqyma maǵan qoldaý kórsetkeni úshin bas ıip, rahmetimdi aıtamyn", - dedi Temirtas.