Osy kezge deıin muǵalimderdiń jalaqysy eki esege kóbeıdi.
1 qańtardan bastap balabaqsha tárbıeshileri, mektep jáne kolej muǵalimderiniń jalaqysy 25%-ǵa ósti, dep habarlaıdy Almaty-akshamy.kz Oqý-aǵartý mınıstrligine silteme jasap.
2020 jylǵy qańtardan bastap muǵalimderdiń jalaqysy jyl saıyn 25%-ǵa kóterilip keledi. Osy ýaqytqa deıin muǵalimderdiń jalaqysy eki esege artty.
«Sonymen qatar olardyń jalaqysyna qosymsha tólemder belgilendi. Bul – biliktilik sanaty, magıstr dárejesi, pánderdi aǵylshyn tilinde júrgizý, dápter tekserý, synyp jetekshiligi, jańartylǵan mazmundaǵy jumys jáne tálimgerlik úshin qosymsha tólemder. Pedagog mamandyǵyna ýnıversıtettiń úzdik túlekteri men «Altyn belgi» ıegerleri kele bastady», - dedi Oqý-aǵartý mınıstri Ǵanı Beısembaev.