Buǵan deıin dáriniń 90 túrin mindetti túrde tańbalaý engizilgen bolatyn.
2024 jyldyń 1 shildesinen bastap tańbalanýǵa jatatyn dáriler tizimi keńeıtildi, dep habarlaıdy Almaty-akshamy.kz
Júrgizilgen jumystardyń qorytyndysy boıynsha 2023 jyldyń qazan aıynyń sońynda Qazaqstan Respýblıkasynyń Premer-Mınıstri Álıhan Smaıylovqa dárilik zattardyń qozǵalysyn qadaǵalaý júıesi usynyldy.
Dárilik zattardy qadaǵalaý júıesi birden birneshe máseleni sheshedi. Atap aıtqanda, medısınalyq uıymdarda dárilik zattardy qaıtalap jazý jáne jalǵan esepten shyǵarý múmkindigin joıý, dárilik zattardyń bólshek saýdadaǵy baǵasyn, qaldyqtaryn jáne jaramdylyq merzimin qadaǵalaý. Tolyq qadaǵalaý úshin ár dárilik zatqa eki ólshemdi biregeı Data Matrix kody qoldanylady. Sonyń nátıjesinde respýblıkadaǵy dári-dármektiń tolyq aınalymyn óndirilgen sátten bastap qoldanysqa deıin onlaın baqylaýǵa bolady.
Otyrys nátıjesinde 2024 jylǵy 1 shildesinen bastap Qazaqstanda mindetti tańbalanýǵa jatatyn dárilik zattardyń tizbesi Qazaqstan Respýblıkasy Úkimetiniń qaýlysyna sáıkes keńeıtildi. Tolyq tizimmen Qazaqstan Respýblıkasy normatıvtik quqyqtyq aktileriniń etalondyq baqylaý bankinde tanysýǵa bolady.
Salanyń ashyqtyǵyn arttyrý yqtımal kontrafaktilik ónimderdi anyqtaýǵa, sondaı-aq dárilik zattardyń bekitilgen bólshek saýda baǵalaryn baqylaýǵa múmkindik beredi.
"Jańa júıe el turǵyndaryn kontrafaktilik ónimderden qorǵaıdy. Tutynýshy satyp alǵan dári-dármektiń zańdy ekenine jáne olardyń ómiri men densaýlyǵyna qaýipsiz ekenine esh kúmándanbaýyna bolady", — dep atap ótti Premer-Mınıstrdiń orynbasary Tamara Dúısenova.