Topardyń topyraǵyna tekseris júrgizilip jatyr.
Veterınarlar vırýs bolýy múmkin degen jerlerden synama alyp, ulttyq referenttik ortalyqqa jiberdi. Budan ózge jaıylym men shabyndyqtan alynǵan synamalar veterınarıalyq zertteýge joldandy. Jaýaptylar Topar kenti mańynda buryn-sońdy bul indettiń tirkelmegenin aıtady. Sondyqtan shekaralas aýyldardan kelgen bolýy múmkin degen kúdik bar. Biraq bul ázirge boljam. Mamandar aýrý juqqan buzaýmen qatar turǵan. 3 sıyrdyń da kózin joıdy. Qazir kentte saýyqtyrý jáne zararsyzdandyrý jumystary júrip jatyr.
«Búgingi kúni epızotıalyq ahýal turaqty. Qosymsha aýyrǵan mal tirkelgen joq. Karantındik is-sharalar sońǵy ınfeksıa kózi joıylǵannan keıin jáne qortyndy dezınfeksıanyń nátıjesine sáıkes 15 kúnnen keıin alynady», - deıdi aýmaqtyq ınspeksıa basshysynyń orynbasary Danıar Merǵazın.