QR Tótenshe jaǵdaılar mınıstrliginiń aýmaqtyq vedomstvolarynyń basshylary para aldy degen kúdikke ilindi. Bul týraly QR Sybaılas jemqorlyqqa qarsy is-qımyl agenttiginen málim etti, dep habarlaıdy Almaty-akshamy.kz.
Almaty oblysy boıynsha Tótenshe jaǵdaılar departamenti bastyǵynyń orynbasaryna («úıqamaqqa alý» túrindegi bultartpaý sharasy tańdaldy) jáne Almaty oblysy Qapshaǵaı qalasynyń Tótenshe jaǵdaılar bóliminiń bastyǵyna sybaılas jemqorlyq qylmysyn jasady degen aıyp taǵyldy.
«Olar adamdar tobynda aldyn ala sóz baılasý arqyly kazıno ókilinen 1000 AQSH dollary somasynda jalpy qamqorlyq úshin para aldy. Tergeý jalǵasýda. Qylmystyq prosesýaldyq kodekstiń 201-babyna sáıkes, tergeý múddesine oraı basqa málimetter jarıa etýge jatpaıdy», - dedi vedomstvodan.