QR Prezıdenti Qasym-Jomart Toqaev «Zerde» ulttyq aqparattyq-kommýnıkasıalyq holdıńin reformalaý jóninde tapsyrma berdi, dep habarlaıdy Almaty-akshamy.kz hakorda.kz silteme jasap.
Búgin Memleket basshysy Esep komıtetiniń tóraǵasy Natalá Godýnovany qabyldady.
Prezıdentke bıylǵy birinshi toqsandaǵy joǵary aýdıt organy qyzmetiniń negizgi qorytyndylary, sondaı-aq «Jańa Qazaqstan: jańarý men jańǵyrý joly» atty Joldaýda berilgen tapsyrmalardyń oryndalý barysy jóninde baıandaldy.
Osy eseptik kezeńde 345 mıllıard teńgeden astam búdjet qarjysyn qamtıtyn 14 nysanda 3 aýdıtorlyq is-shara júrgizilgen. Nátıjesinde 30 mıllıard teńge kólemindegi qarjyǵa qatysty zań buzýshylyqtar anyqtalǵan. Sonymen qatar «Sıfrlyq Qazaqstan» memlekettik baǵdarlamasyna da aralyq aýdıt júrgizilgen.
Memleket basshysy búginde jetkilikti dárejede tıimdi bolmaı otyrǵan «Zerde» Ulttyq aqparattyq-kommýnıkasıalyq holdıńin reformalaý jóninde tapsyrma berdi.
Qasym-Jomart Toqaev Esep komıtetin Joǵary aýdıtorlyq palata retinde qaıta qurý jónindegi tapsyrmasynyń iske asyrylýyna qatysty Natalá Godýnovanyń usynysyn tyńdady.