Olardyń jalaqysyna 100% ústeme qosylady.
Qazaqstannyń tabıǵatty qorǵaý mekemeleri qyzmetkerleriniń jalaqysy kóterildi, dep habarlaıdy Almaty-akshamy.kz úkimettiń baspasóz qyzmetine silteme jasap.
Bıylǵy1 shildeden bastap Qazaqstannyń tabıǵatty qorǵaý mekemeleri qyzmetkerleriniń jalaqysyna 100% ústemeaqy qosylady.
QR Úkimeti memleket basshysynyń atalǵan salada eńbek jaǵdaılaryn jaqsartý jónindegi tapsyrmasyn oryndaý aıasynda tıisti qaýly qabyldady.
Qujatta adam ómiri men densaýlyǵyna qaýip tóndiretin jumys úshin qosymsha aqy belgileý kózdelgen.
Eńbek jaǵdaılary erekshe qurylymdardyń qataryna janýarlar dúnıesin qorǵaý, ormandy qorǵaý jáne qalpyna keltirý, memlekettik orman qorǵaý jáne t.b. mamandandyrylǵan uıymdar jatady.
Endi qyzmetkerlerdiń ortasha jalaqysy atqaratyn qyzmeti men jumys ótiline baılanysty 101 myńnan 320 myń teńgege deıin ulǵaıady.
Jalpy osy salada 12 876 qyzmetkerdiń jalaqysy kóteriledi. Bul shara bilikti kadrlardyń turaqtap qalýyna jáne jalpy jumystyń tartymdylyǵyn arttyrýǵa múmkindik beredi dep kútilýde.