Qazaqstan men Reseı arasyndaǵy shekara ótkelderiniń ótkizý múmkindigin keńeıtýge erekshe nazar aýdarý qajet
Búgin Qazaqstan men Reseıdiń óńiraralyq yntymaqtastyq forýmynyń XVIII jalpy otyrysynda Memleket basshysy Qasym-Jomart Toqaev eki el arasyndaǵy shekara mańyndaǵy ınfraqurylymdy jaqsartýǵa erekshe nazar aýdarýdy usyndy, dep habarlaıdy Almaty-akshamy.kz.
Qazaqstan Prezıdenti elder arasyndaǵy ózara tıimdi yntymaqtastyqty odan ári keńeıtý úshin birlesken kúsh-jigerdi birneshe salaǵa jumyldyrýdy kerek ekenin atap ótti. Osy oraıda shekara mańyndaǵy jáne óńiraralyq yntymaqtastyq jónindegi shaǵyn komısıanyń qyzmetin kúsheıtý qajet. Shaǵyn komısıanyń negizgi mindetteriniń qatarynda óńiraralyq yntymaqtastyq baǵdarlamalaryn úılestirý ári iske asyrý jatady. Sońǵy otyrys 2019 jyldyń qazan aıynda ótti. Alaıda koronavırýsqa baılanysty sodan beri shaǵyn komısıa aıasynda otyrystar bolǵan joq.
Memleket basshysynyń paıymynsha, atalǵan komısıanyń kezekti otyrysyn jaqyn arada ótkizý kerek. Sebebi talqylaýdy qajet etetin keıbir máseleler bar.
Qasym-Jomart Toqaevtyń sózine qaraǵanda, shekara mańyndaǵy ınfraqurylymdy jaqsartýǵa, Qazaqstan men Reseı arasyndaǵy shekara ótkelderiniń ótkizý múmkindigin keńeıtýge erekshe nazar aýdarý qajet. Bul jumysty qalyptasyp kele jatqan transulttyq dálizderdi nazarǵa ala otyryp júrgizý kerek.