Sálemdemelerdiń ishinen tyıym salynǵan zattardy anyqtaý faktisi kún saıyn tirkeledi.
Almaty qalasyndaǵy Tergeý ızolátorynda jatqan tanysyna sálem-saýqat ákelgen áıel taba nannyń arasyna bes telefon jasyryp ákelgen, dep habarlaıdy Almaty-akshamy.kz.
№72 mekemeniń kúdiktiler men sottalǵandarǵa ákelgen sálemdemelerdi qabyldaý ornynda baqylaýshylar ár zatty muqıat tekseredi jáne sálemdeme ákelýshiler úshin arnaıy taqta ornatylyp, onda bas bostandyǵynan aıyrý oryndaryna tyıym salynǵan zattardy ótkizý áreketi úshin qoldanylatyn jaza aıqyn jazylǵan.
Soǵan qaramastan, baqylaý pýnktinde sálemdemelerdiń ishinen tyıym salynǵan zattardy anyqtaý faktisi kún saıyn tirkeledi. Al bes birdeı telefondy ótkizbekshi bolǵan 1988 jyly týǵan áıel - Almaty qalasynyń turǵyny. Onyń tanysy J. degen azamat QR Qylmystyq kodeksi 190-babynyń 3-bóligimen, ıaǵnı iri mólsherde birneshe ret alaıaqtyq jasaǵany úshin aıyptalyp, Almaty qalasy Bostandyq aýdandyq sotynyń úkimimen 2023 jyldyń qańtar aıynda 4 jylǵa bas bostandyǵynan aıyrý jazasyna kesilgen.
Atalǵan fakt boıynsha Almaty qalasy Túrksib aýdandyq polısıa basqarmasy aldyn ala tergep-tekserý jumystaryn júrgizýde.